Næst elsta dóttir Micks Jagger heitir Jade en dóttir hennar Assisi á von á sínu fyrsta barni næsta sumar og þá verður rokkafinn knái orðinn rokklangafi!
Geri aðrir betur.
Mick á nú sjö börn með fjórum konum og þau eru á aldrinum fjórtán til 42 ára. Jade mun hafa verið svolítið brugðið með þetta til að byrja með enda kannski snemmt að verða amma 42 ára en eftir að allir jöfnuðu sig varð eftirvæntingin mikil og ekki síst hjá hinum ungu foreldrum.
Þetta er eflaust með kraftmeiri öfum heims því sá gamli ætlar nú að byrja með sína eigin tónlistarhátíð í Rio De Janeiro í Brasilíu.
Það er hátíð sem við Pjattrófur værum sannarlega til í að fara á en hún á að vera með svipuðu yfirbragði og Glastonbury nema bara í Brasilíu og auðvitað ekkert nema stórnöfn enda á Jagger marga vini í bransanum. Svalur karl.
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
