Annie Liebowitz er án efa einn hæfileikaríkasti ljósmyndari sögunnar og eru ljósmyndir hennar algert konfekt fyrir augað. Flestar listaverk, nánast eins og málverk.
Annie tók þessar ljósmyndir að mig minnir árið 2007 fyrir Disney fyrirtækið og eru þær stílfæring á þekktum Disney ævintýrum. Hún vann með þekktum persónum sem blasa við okkur í tímaritum, sjónvarpi og á kvikmyndatjaldinu en í aðalhlutverkum má meðal annars nefna leikkonuna Scarlett Johanson í gervi Öskubusku, fótboltatappinn David Beckham tekur sig vel út sem prins á hvítum prjónandi hesti, söngdívan Jennifer Lopez er Jasmine Prinsessa og ofurfyrirsætan Gisele Bündchen er systirin Wendy í Pétur Pan.
Njóttu…
Díana Bjarnadóttir útlitsráðgjafi og stílisti hefur margra ára reynslu við að aðstoða fólk með fataval. Hún starfaði meðal annars á Ítalíu og í London þar sem hún var stílisti stjarnanna hjá Giorgio Armani og Gucci.
Hefur einnig verið búsett í svíþjóð, Hollandi og á Selfossi en býr nú í Reykjavik. Díana er einnig með menntun í förðunarfræði. Greinar og ljósmyndir Díönu hafa m.a. verið birtar í tímaritunum Veggfóður, Ský og Smáralindarblaðinu. Díana er fædd 1. maí og er því naut.
