Menning: Leyfði 4 ára dóttur að klára myndir - Reiknaði ekki með þessu!

Listakonan Mica Angela Hendricks var ekkert allt of mikið fyrir það að láta 4 ára dóttur sína fikta í skissubókinni.

Ekki frekar en annað fólk sem tekur starfi sínu alvarlega vildi hún ekki að barnið væri að fikta í myndunum, hún bjóst jú við því sanna að sú stutta myndi eflaust krota þetta allt út. En þá sagði sú stutta setningu sem öllu breytti.

“Ef þú getur ekki deilt þessu með öðrum þá verðum við að setja þetta til hliðar”

Nú var fröken 4 ára að nota uppeldisreglur móður sinnar gegn henni og Mica átti engra kosta völ en að leyfa Mylu litu að komast í bókina. Hún leyfði henni að klára eina teikningu eftir sig og mjög fljótlega voru þær komnar í frábært samstarf þar sem mamma teiknaði hausinn, Myla búkinn og svolítið umhverfi og svo kláraði mamma myndina með því að lita og skreyta.

Útkoman af þessu krúttlega samstarfi er svo engu lík en myndirnar eru í senn súrrealískar, glaðlegar og draumkenndar. Algjör snilld.

Heimild: busymockingbird.com

Margrét Hugrún

Ég er af X-kynslóð, elska 70’s tónlist, finnst gott að fara í sund á kvöldin og á erfitt með arfa i görðum. Kýs fjölbreyti í lífið. Kann eina Eminem plötu utanað. Hef thing fyrir Marilyn Monroe, áhuga á feminisma og svona sitthvað fleira.

pjatt.is/author/margret/