Breska söngkonan Leona Lewis er orðin talskona Body Shop og mun fara í fjórtán daga ferðalag um Bretland til að kynna dýraréttindi og fleira.
Leona er mikill dýravinur og hún segir sanngirni við framleiðslu mikilvæga og einnig sanngirni gagnvart bændum – og það má því segja að hún sé fullkomin í þetta hlutverk.
Leona segir að henni þyki mikilvægt að vita hvaðan efnin í vörunum sem hún notar koma og Body Shop selur vörur sem eru ekki prufaðar á dýrum ásamt því að efnin séu ekki keypt af stöðum sem stunda barnaþrælkun eða annað sem telst ekki til góðs siðferðis.
Frábært framtak hjá þessari stórglæsilegu söngkonu og snyrtivörurisanum Body Shop.
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
