Fagurkerar á Selfossi og í nágrenni eiga gott í vændum á laugardaginn en þá mun POP UP Verzlun gera sér ferð í bæinn og draga fram hverskonar fínerí.
PopUp er farandsverslun grasrótar tískuhönnuða á Íslandi og hefur verið starfandi síðan ágúst 2009. Verslunin hefur komið víða við síðustu tvö árin og tekið þátt í hinu ýmsu viðburðum, má þar nefna Festisvalli, Reykjavík Fashion Festival, Hugmyndahúsi Háskólanna, Menningarnótt & á Akureyri. Yfir 100 hönnuðir hafa tekið þátt á þessum tíma.
Verslunin mun nú opna dyr sínar aftur og að þessu sinni á fjölskyldu & bæjarhátíðinni Sumar á Selfossi næstkomandi Laugardag, opnunartími markaðarins verður á milli 12 & 17 að Austurgötu 2a/2b en þar munu hönnuðir, ættaðir bæði af Selfossi og víðar, prýða plássið með tískufötum & fylgihlutum fyrir alla aldurshópa.
Hönnuðir sem taka þátt í markaðinum að þessu sinni eru: SKUGGA DONNA, SVAVA HALLDÓRS, ELVA, BEROMA, BABY K, IBA-THE INDIAN IN ME, HÚNIHÚN, EIGHT OF HEARTS og HELLICOPTER
PopUp býður gesti hátíðarinnar velkomna og vonast eftir að sjá sem flesta!
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
