Söngkonan Lana Del Rey er ung að árum en hefur samt sem áður þurft að sæta mikilli gagnrýni fyrir söng sinn og öllu því sem fylgir að vera listamaður.
Söngkonan segir að það sé gríðarlega erfitt að vera lisamaður, sérstaklega þegar þú hefur lagt allt þitt í ferilinn en að hennar mati er fólk miklu duglegra að draga aðra niður heldur en að byggja upp.
Að mati Lönu ber fólk ekki nógu mikla virðingu fyrir því sem verið er að gera og stundum fær hörð gagnrýni þig til að langa að skríða ofan í djúpa svarta holu, þá getur verið auðvelt að hverfa aftur í heim áfengisins og gleyma stund og stað. Hún hætti hinsvegar sjálf að drekka fyrir tólf árum og hefur verið edrú síðan.
Söngkonan á lag í kvikmyndinni The Great Gatsby og það lag hefur fengið mjög góða dóma og spekingar hafa meira að segja gengið svo langt að segja að lagið verði tilnefnt til Óskarsverðlauna.
Lana trúir á það góða í heiminum og segir að þegar fólk segi eitthvað fallegt um þig og beri virðingu fyrir þér þá sé leiðin greið, hún vill að fólk sé jákvæðara í garð hvors annars.
Falleg stelpa hún Lana og góður boðskapur.
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
