Reykjavik
05 Dec, Wednesday
2° C
TOP

Lakkrístoppar með karamellu & sjávarsalti

imageÉg ákvað að prófa eitthvað aðeins nýtt hráefni í lakkrístoppana í ár og setti nýja rjómasúkkulaðið frá Nóa Síríus saman við en það inniheldur karamellukurl og sjávarsalt.

Þetta hljómar ekki bara vel heldur smakkast þetta rosalega vel. Lakkrístoppar eru algjörlega ómótstæðilegt jólasælgæti og svona eru þeir aðeins öðruvísi og alveg dásamlega góðir.

Innihald:

1. 3 egg
2. 200 gr sykur eða púðursykur
3. 150 gr Nóa rjómasúkkulaði með karamellu og sjávarsalti.
4. 150 gr lakkrískurl

Aðferð:

1. Stífþeytið eggjahvítur og bætið sykrinum rólega saman við og stífþeytið.
2. Saxið súkkulaðið niður og setjið það saman við blönduna ásamt lakkrískurlinu.
3. Setjið með teskeið á bökunarplötu og bakið við 160 gráður í 15.mín.

Njótið og passið að bera ekki allt fram í einu af því þá klárast það!

 

Una Dögg Gudmundsdòttir er 28 àra Seltirningur sem býr nú í Vesturbæ ásamt eiginmanni og tveimur dætrum, 7 og 2 ára. Una Dögg lauk BA prófi í félagsráðgjöf frá Háskóla Íslands, en verandi pjattrófa inn að beini hefur hún einnig lært nagla og förðunarfræði. Una elskar að baka og elda en henni finnst best að hafa uppskriftirnar einfaldar, fljótlegar og auðvitað dásamlega góðar.