Bang with friends (afsakið orðbragðið) er nýtt app á Facebook, sérstaklega hugsað fyrir fólk sem er eirðarlaust á mjaðmasvæðinu.
Þetta virkar með þeim hætti að þú skráir þig inn, velur fólk sem þig langar í lágréttan tangó með, og bíður átekta. Kerfið mun ekki sýna þér aðra en þá sem hafa gagnkvæman áhuga á þér og aðrir munu ekki sjá þig.
Þetta er auðvitað fyrir “þá allra hörðustu” eins og sagt er.
Um leið og kerfið finnur út að þú og viðkomandi Facebook aðili eruð bæði eirðarlaus á sama tíma, og bæði með þessháttar áhuga hvort á öðru, fáið þið tölvupóst þar sem kerfið lætur ykkur vita.
Hvað gerist svo í framhaldinu er auðvitað á ykkar ábyrgð.
Kerfið safnaði 700.000 nýjum notendum á þremur vikum og 130.000 paranir hafa átt sér stað þegar þetta er skrifað. Það jafngildir einum þriðja íslensku þjóðarinnar sirka.
Við Pjattrófur erum svo dannaðar að við roðnuðum auðvitað yfir þessu en hvað finnst þér?
[poll id=”62″]
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
