Kourtney Kardashian vísaði Scott Disick á dyr síðastliðna helgi.
Parið lenti í hörku rifrildi eftir stöðugar djammferðir hans og varð það til þess að Kourtney fékk nóg og henti honum út.
Kourtney, sem er ólétt af þeirra þriðja barni, er sögð mjög ósátt með Scott þar sem hann nýtir hvert einasta tækifæri til að detta í það og í hvert sinn sem hann verður fullur lendir hann í rifrildi við annað fólk.
Þrátt fyrir þetta halda vinir þeirra því fram að sambandið sé ekki búið en þau lenda reglulega í rifrildi vegna þessa.
„Sama gamla sagan. Þau rífast, byrja saman aftur, hann djammar, henni líkar það ekki,“ sagði heimildarmaður við TMZ.
Garðar Örn Hinriksson fæddist sama ár og Jim Morrison og Louis Armstrong hurfu yfir móðuna miklu og getið nú. Garðar er ókrýndur slúðurkóngur Íslands en í rúm fjögur ár slúðraði hann eins og engin væri morgundagurinn á Gossip. Garðar kann þó fleira fyrir sér en að slúðra en hann er útskrifaður leiðsögumaður frá Ferðamálaskóla Íslands og giftur tveggja barna faðir sem stefnir á barn númer þrjú. Hann rekur einnig vefinn enskiboltinn.is og hefur starfað sem knattspyrnudómari í efstu deildum Íslands í rúm 20 ár. Töff? Já.
