Leikkonan Kristen Dunst situr fyrir í myndaþætti fyrir tímaritið Bullet Magazine og myndirnar eru vægast sagt listrænar og óvenjulegar.
Kristen sagði fyrir myndatökuna; “gerum eitthvað öðruvísi, seljum tímaritið” og það er óhætt að segja að myndirnar séu öðruvísi eða sýna Kristen að minnsta kosti í öðru ljósi en við erum vön að sjá hana.
Kristen er þekkt fyrir “stelpan í næsta húsi” útlit sitt, ljóshærð og saklaus stelpa en hér sýnir hún á sér allt aðra hlið sem er listræn og töffaraleg allt í senn.
Þegar Kristen var ellefu ára gömul þá lék hún í kvikmyndinni Interview with a Vampire og lék þar á móti Tom Cruise og Brad Pitt.
Kristen kyssir Brad Pitt í myndinni og allir voru sífellt að segja henni hversu heppin hún væri að fá að kyssa einn heitasta leikara glysborgarinnar en Kristen sjálfri fannst það hálfógeðslegt, hún segir einnig að hún hafi verið mjög seinþroska og hafi fundist allt þetta kossaflens frekar furðulegt.
Kristen þykir ekki mjög merkilegt að vera fræg og hér á árum áður þegar fólk vildi fá myndir af sér með henni þá fannst henni það oftar en ekki óþægilegt því henni þykir athyglin sem fylgir frægðinni ekki hluti af því góða.
Enn þann dag í dag sér fólk hana bara sem stelpuna úr Spiderman kvikmyndinni að eigin sögn en Kristen hefur leikið í fjöldamörgum kvikmyndum og er núna við tökur á kvikmyndinni The Two Faces of January and Cities.
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
