Hún er fræg fyrir eftirnafn sitt, enda ekki aðeins eftirnafn heldur risastórt vörumerki. Jafnvel móðir hennar hefur íhugað að taka aftur upp Kardashian nafnið sökum þess hve áhrifamikið það er.
Kim ætlar sér að taka upp eftirnafn Kanye þegar þau giftast og mun þar af leiðandi heita Kim Kardashian West. Kim er harðákveðin í að taka upp eftirnafn barnsföður síns. Hvernig móðir hennar tekur þessum fregnum er ekki enn vitað enda hugsar hún víst um lítið annað en vörumerkið Kardashian (og peninga).
Kanye hefur ákveðið að brúðarkjóladrottningin Vera Vang komi ekki til greina sem hönnuður fyrir brúðkaupið þeirra. Ástæðan fyrir því er líklegast sú að þegar Kim giftist Kris Humphries þá hannaði hún (og gaf) Kim þrjá kjóla til að vera í á sjálfan brúðkaupsdaginn. Brúðkaupið var síðan haldið með pomp og prakt og að sjálfsögðu fest á filmu. Því miður entist hjónabandið ekki lengi en það er önnur saga.
Kanye ætlar sér að fara með Kim til Parísar til að skoða kjólahönnuði en Kim hefur sagt að henni sé alveg sama hvernig brúðkaupið verði svo framarlega sem Kanye sé ánægður…
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
