Kim Kardashian stígur sjaldan feilspor þegar kemur að klæðnaði en á MET Gala ballinu er óhætt að segja að Kim hafi farið aðeins út af sporinu.
Kim mætti í blómakjól, síðerma, með rúllukraga, var í hönskum í stíl OG skórnir voru einnig í stíl við kjólinn. Kjóllinn var upprunalega ermalaus og ekki með rúllukragaháls en stílistinn hennar sagði Kim að hún hefði fitnað svo mikið undanfarið að hún hreinlega yrði að hylja sig!!
Kanye var víst ekki sáttur við að Kim skyldi láta breyta kjólnum svona mikið því góður vinur hans, Riccardo Tisci, hannaði herlegheitin en kjóllinn kemur úr smiðju Givenchy. Kanye hálfskammaðist sín fyrir að Kim skyldi breyta kjólnum og var pínu pirraður yfir þessu öllu saman.
Talandi um tískuna… Kim er greinilega komin á góða listann hjá Önnu Wintour en ekki fyrir svo löngu sagði heilög Anna að Kim myndi aldrei fá að koma á MET Gala ballið. Kanye hefur greinilega sannfært hana og Kim fékk að koma með verðandi barnsföður sínum.
Að sögn heimildamanna var Kim búin að máta nokkra kjóla og var komin með einn kjól sem passaði ekki á hana, það þurfti að breyta honum fimm sinnum þar sem að Kim og kúlan fara ört stækkandi á meðgöngunni og að lokum ákvað Kim að fara í þessum blómakjól þar sem hann passaði.
Mikil neikvæðni og gagnrýni hefur verið í slúðurpressunni á blessaða Kim og holdafar hennar í gegnum alla meðgönguna. Þetta er auðvitað afar leiðinlegt en þó verður að segjast að Kim hefði getað gert miklu betur í kjólavali fyrir þetta kvöld.
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
