Kendall Jenner hefur hótað að kæra þjónustustúlku á veitingastað í New York.
Að sögn þjónustustúlkunnar átti Kendall að hafa reynt að stinga af frá reikningi og þegar þjónustustúlkan ympraði á þessu við Kardashian dömuna átti hún að hafa kastað peningum í andlitið á henni í algjöru fússi.
Kendall segir að þetta sé argasta bull og setti lögfræðing sinn í málið.
Kendall heldur því fram að hún hafi jú, vissulega gleymt að borga, en þegar minnst var á það við hana brást hún strax við og greiddi sinn hluta, 33 dali ásamt 7 dölum í þjórfé. Hún segist jafnframt hafa beðist margfalt afsökunar á gleymskunni enda sé það ekki hennar siður að reyna að stinga af frá reikningum.
Þjónustustúlkan lét ásakanirnar flakka á Twitter en Kendall svaraði henni og skrifaði að þessar kjaftasögur væru helbert kjaftæði, hún væri nú betur upp alin en þetta. Svo bætti hún við:
“Ekki trúa öllu sem þú lest.”
Lögfræðingur Kendall hafði samband við þjónustustúlkuna. Hann benti henni á að hann gerði sér fulla grein fyrir að hún væri ekki bara starfandi í þjónustugeiranum heldur væri jafnframt að reyna að hasla sér völl sem leikkona og þyrfti því á allri athygli að halda.
Þetta væri þó heldur ósmekkleg aðferð við að reyna að koma sér á framfæri. Hann benti henni jafnframt á að hafa sig hæga, annars gæti þetta mál farið í hart.
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
