Keira Knightley „drap“ næstum því eiginmann sinn þegar hann reyndi að kenna henni að spila á gítar.
Leikkonan, sem þurfti að læra á hljóðfærið fyrir hlutverk sitt í kvikmyndinni Begin Again, viðurkennir að það hafi verið slæm hugmynd að láta eiginmann hennar, James Righton í hljómsveitinni The Klaxons, kenna sér á gítar.
Þegar hún var spurð að því hvort það hefði verið gaman að láta James kenna sér, sagði hún:
Nei, ég drap hann næstum því. Aldrei að láta makann kenna þér á hljóðfæri. Það er hræðileg hugmynd,“ svo bætti Keira við að hún velti því fyrir sér hvort einhver hafi hreinlega látið lífið við að spila á gítar.
„Ég velti fyrir mér hvort einhver hafi dáið vegna gítars. Reyndar lærði ég að spila á gítarinn en ég get ekki sungið á sama tíma og ég spila.“
Garðar Örn Hinriksson fæddist sama ár og Jim Morrison og Louis Armstrong hurfu yfir móðuna miklu og getið nú. Garðar er ókrýndur slúðurkóngur Íslands en í rúm fjögur ár slúðraði hann eins og engin væri morgundagurinn á Gossip. Garðar kann þó fleira fyrir sér en að slúðra en hann er útskrifaður leiðsögumaður frá Ferðamálaskóla Íslands og giftur tveggja barna faðir sem stefnir á barn númer þrjú. Hann rekur einnig vefinn enskiboltinn.is og hefur starfað sem knattspyrnudómari í efstu deildum Íslands í rúm 20 ár. Töff? Já.
