Síðastliðið ár hefur ekki verið það besta í lífi Katie Holmes en eftir að hún skildi við Tom Cruise hefur henni gengið mikið betur að fá spennandi verkefni.
Leikrit Katie “Dead Accounts” fékk þó töluvert minni sýningartíma en áætlað var vegna dræmrar miðasölu, hún náði samt að landa samning við Bobbi Brown snyrtivörurisann og er fyrsta fræga módel þeirra en hún hefur hinsvegar ekki fengið nein bitastæð kvikmyndhlutverk.
Katie er víst voða pirruð yfir því að hún fái ekki nein “almennileg” hlutverk eða eitt stórt sem gæti komið henni á kortið á ný í leiklistinni. Svo er hún einstæð móðir og sú stutta (Suri) er víst ansi ákveðin ung stúlka sem veit nákvæmlega hvað hún vill og segir mömmu sinni nánast fyrir verkum!
Katie hefur reyndar verið að deita hina og þessa en er ekki komin í neitt fast samband eftir skilnaðinn og hefur því ákveðið að setja alla rómantík á bið til þess að ala Suri upp ásamt því að reyna að koma leiklistarferlinum aftur af stað en Tom var svo hrikalega frekur þegar þau bjuggu saman að hann vildi velja hlutverkin sem Katie átti að leika og valdi því ekki alltaf stærstu hlutverkin. Það var jú nóg að hafa eina stórstjörnu á heimilinu!
Það er alveg augljóst að Tom hefur náð að traðka á ferli Katie með frekjunni og ég vona svo sannarlega að hún nái sér aftur á strik í leiklistinni enda flott kona og fínasta leikkona!
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
