Metsöluhöfundurinn Hilary Mantel segir að Kate Middleton sé einungis gift Vilhjálmi prins vegna útlitsins og eini tilgangur með hjónabandi þeirra sé til að “framleiða” börn.
Hún heldur því líka fram að konungsfjölskyldan hafi valið Kate til verksins. Kate lét hinsvegar sem ekkert hefði í skorist eftir ummæli höfundarins þegar hún mætti í heimsókn í endurhæfingarhúsið Hope House í London en húsið er fyrir konur sem eru fyrrverandi fíklar.
Kate var glæsileg í gráleitum kjól en kviðurinn á henni hefur stækkað töluvert síðan myndir náðust af henni síðast og það virðist sem Kate sé öll að koma til eftir mikil veikindi snemma á meðgöngunni.
Mantel líkti Kate við dúkku sem væri klædd upp sem sýningargripur og eini tilgangur tilveru hennar væri að brosa framan í myndavélarnar og fæða börn fyrir konunglegu hirðina.
Fosætisráðherra Bretlands, David Cameron, hefur gagnrýnt rithöfundinn fyrir þessi hörðu orð gagnvart Kate og segir hana vera frábæran rithöfund en að þessi orð hennar séu afar særandi og algjörlega byggð á ranghugmyndum. Hann segir einnig að Kate sé hvers manns hugljúfi og alls ekki að sýna neitt leikrit með framkomu sinni opinberlega, hún sé einfaldlega góð manneskja.
Margir hafa haft orð á því að Mantel sé einungis að koma fram með þessi ummæli til þess að fá meiri athygli og finnst ansi mörgum hún hafa gengið fulllangt en Twitter logaði í dag og komu margir Kate til varnar.
Fyrir vikið hefur sala á bókum Mantel rokið upp úr öllu valdi – svo kannski tókst hennni ætlunarverkið?
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
