Kate Middleton á von sínu fyrsta barni þann 13. júlí næstkomandi og undirbýr komu erfingjans á milli skyldustarfa.
Hertogaynjan sást í barnaverslun í Chelsea á dögunum þar sem hún fann húsgögn og fleira í barnaherbergið en hún ku hafa keypt allt í hlutlausum litum. Verslunin sem Kate fór inn í heitir Bernard Thorp og er dýr “design” barnavöruverslun sem er staðsett í Chelsea.
Kate og William munu búa í Kensington höllinni þar sem William ólst upp og bíða foreldrarnir afar spenntir eftir komu erfingjans. Kate eyddi 45 mínútum inn í búðinni og var að sögn viðstaddra hrifin af hönnuninni í búðinni. Tveir hlutir urðu fyrir valinu en afgreiðslustúlkan vildi ekki segja frá því hvað hertogaynjan keypti.
Hitinn var nánast óbærilegur þennan dag og var búðarhurðin því opin og Kate þurfti að setjast niður á meðan á dvölinni stóð inn í búðinni til þess að fá sér vatnsglas. Hertogaynjan fagra var klædd í bláan fallegan kjól og var í fjólubleikri gollu yfir kjólinn. Núna er loksins komin kúla á Kate og hún lítur afar vel út á lokasprettinum.
Kate fer brátt að ljúka sínum skyldustörfum sem hertogaynja en síðasta verkefni hennar verður að nefna skip í Southampton og eftir það er hún komin í opinbert frí í smá tíma til þess að njóta meðgöngunnar og þess að vera heima með nýfæddu barni sínu.
Bretar eru mjög spenntir fyrir komu litla kóngabarnsins og margir hafa velt fyrir sér hvort kynið er væntanlegt í heiminn en slúðurpressan hefur bæði greint frá því að þetta sé stelpa og strákur. Harry Prins á að hafa kjaftað af sér um að það sé strákur á leiðinni og að “allir” vinir þeirra viti það en svo á Kate að hafa misst út úr sér við ókunna konu sem gaf henni bangsa að barnið væri stúlka.
Ætli að veðbankarnir í Bretlandi hafi ekki nóg að gera nokkrum dögum fyrir fæðinguna?!
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
