Það er í mörg horn að líta þegar frumburðurinn er væntanlegur erfingju bresku krúnunnar. Kate og William hafa þegar ákveðið nafn ef dama kemur í heiminn.
Litla stúlkan mun fá nafnið Elizabeth Diana Carole. Elizabeth er drottningarnafn sem hefur verið öldum og áratugum saman í Englandi og drottningin yrði eflaust afar skúffuð ef það kæmi ekki nafna við skírnina.
Díana er að sjálfsögðu eftir Díönu heitinni mömmu Williams og Carole er nafn mömmu Kate þannig að það fá allar dömurnar sem eru nátengdar litlu stúlkunni (ef það kemur dama í heiminn) að eiga smá í henni nafnalega séð.
Nafnið er alls ekki það nýtískulegasta og hafa einhverjar raddir ómað að það sé frekar leiðinlegt eða ekki nógu frumlegt.
Að sjálfsögðu verða þau að fylgja gömlum hefðum þar sem að erfinginn mun taka við krúnunni ef hlutirnir æxlast á þann veg einhvern daginn.
Það yrði án efa ekki mjög smart að hafa drottningu við völd sem héti Apple Hashtag Rainbow!
Eða hvað, kannski verða nöfnin orðin svo frumleg í framtíðinni að öllum verður sama.
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
