Kanye West mun koma fram í spjallþætti Kris Jenner á föstudaginn “The Kris Jenner Show” en þar mun rapparinn meðal annars frumsýna mynd af North West litlu.
Margir hafa beðið spenntir eftir að sjá mynd af litlu dömunni sem er orðin tveggja mánaða gömul en Kanye vildi frekar sýna mynd af henni sjálfur í staðinn fyrir að selja mynd af henni í eitthvað blað eða netmiðil.
Áhorfandi úr sal (þátturinn hefur þegar verið tekinn upp) segir að North litla sé með aðeins ljósari húð en Kanye, með miklar bollukinnar, slétt svart hár, möndlulaga augu eins og Kim og sé mjög falleg.
Kanye talar ekki bara um North litlu í viðtalinu heldur talar hann einnig um það að hann sé búinn að vera ástfanginn af Kim frá því að hann hitti hana fyrst og íhugaði jafnvel að byrja að æfa íþróttir til þess að Kim myndi sýna sér einhvern áhuga en áður en Kanye og Kim urðu par deitaði hún bara íþróttamenn.
Kanye segir að hann hafi alltaf viljað vera með Kim og að þau séu fullkomin saman, það er greinilegt að kappinn er afar ástfanginn af Kim sinni.
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
