Reykjavik
05 Dec, Wednesday
2° C
TOP

JÓLIN: Hátíðakaffið frá Kaffitári mmmm*

Það er ómissandi á jólunum á mínu heimili að drekka hátíðarkaffi og bíð ég alltaf eftir því að kaffibrennslurnar á Íslandi byrji að selja kaffið í búðunum.

Í morgun fékk ég mér í fyrsta sinn Jólakaffi Kaffitárs 2011 en í ár kemur kaffið frá búgarðinum Daterra í Brasilíu. Það sem mér finnst svo gaman við að vera fagurkeri í kaffidrykkju er, að með því að versla við sérbúðir, veit ég að hver vara á sér uppruna og spennandi sögu. Kaffitár verslar til dæmis við Daterra búgarðinn án milliliða og er hann Rainforrest Alliance vottaður sem er umhverfisvottun kaffiræktenda.

Hátíðarkaffi Kaffitárs 2011 heitir Sweet Collection og kemur nafnið til af því hvað kaffið er einstaklega sætt og ljúffengt (Það er eitthvað fyrir mig!). Einnig er það með mikla fyllingu og tærleika en hægt er að finna fyrir sætri vanillu  og smá mjúkri karamellu (*mmmm*).

Hjá Kaffitár er alltaf sett mikil vinna í leitina að frábæru kaffi í Hátíðarpakkann og þar sem kaffið er þeirra stolt en það er eflaust ástæðan fyrir því að mér þykir hátíðarkaffi Kaffitárs bera af í gæðum og bragði.

*mmmm* ég er farin að hella upp á annan bolla!

Sigrún Þöll Þorsteinsdóttir (f.15 feb 1975 - d. 8 apríl 2014) bloggaði á Pjatt.is í rúmlega tvö ár. Sigrún Þöll starfaði sem tölvunarfræðingur, var dellukona, tækjasjúk og fagurkeri af lífi og sál. Að eigin sögn fannst Sigrúnu gaman að hlaupa, hjóla, drekka kaffi, huga að heilsunni, prjóna, lesa, taka ljósmyndir, rækta garðinn sinn og fleira og fleira. Blessuð sé hennar minning. Sigrún verður ógleymanleg þeim sem kynntust þessari dásamlegu konu.

Skrifaðu athugasemd