Jennifer Aniston elskar að fylgjast með raunveruleikaþáttunum um Kardashian gengið og var yfir sig spennt þegar hún rakst á Kim Kardashian í veislu nýverið.
Að sögn viðstaddra gaf Jennifer sig á tal við Kim að fyrra bragði. Sagði henni allt um hvað hún dýrkar þættina og horfir á þá í laumi.
Heimildarmaður sagði í viðtali við Life & Style að Jennifer hefði jafnframt hrósað Kim í hástert fyrir það hvað húðin hennar væri falleg og hárið fullkomið.
Kim, sem er 33 ára, varð að sögn yfir sig hissa á hólinu og svaraði að bragði:
“En ÞÚ ert Jennifer Aniston. Þú ert með frægasta hár í heimi!”
Ásamt því að vera mikill aðdáandi Kim Kardashian ku Jennifer hafa einstaklega gaman af því að halda og skipuleggja partý og veislur og ef ekki væri fyrir feril hennar í kvikmyndabransanum myndi hún leggja þetta alfarið fyrir sig, eða svo játaði hún í nýlegu sjónvarpsviðtali:
“Mér finnst gaman að kynna fólk fyrir hvort öðru, ég elska vini mína, á æðislegan vinahóp. Ég sé mig alveg fyrir mér sem frábæran veisluhaldara. Mér finnst einstaklega skemmtilegt að halda partý og allskonar samkomur.”
Jennifer má alveg skipuleggja 6 ára afmæli Pjatt.is sem verður á næsta ári! Veit einhver númerið hennar?
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
