Hún er 102 ára milljarðamæringur sem keyrir 82 ára bíl - geri aðrir betur!

Hvað myndirðu spara mikla peninga á því að eiga sama bílinn í 63 ár og skipta samviskusamlega sjálf um olíu á honum á 4000 kílómetra fresti?

Svar: Helling!

Margrét bónar sjálf bílinn og skiptir um kveikjur og olíu.

Þetta hefur Margrét Dunning, 102 ára bandaríkjakona gert árum saman en hún komst í fréttir eftir að hafa slegið í gegn á bílasýningu í Ohio þar sem hún mætti með kaggann sinn: 1930 módel af Packard 740 Roadster, keyptan árið 1949. Bíllinn er semsagt 82 ára og hún sjálf 102 ára!

“Ég elska gamla bíla,“ sagði hún í viðtali við bæjarblað í Akron Ohio. „Ég elska líka lyktina af bensíni… hún rennur um blóðið í mér“.

Margrét þessi ólst upp á bóndabæ vestur af Detroit, ekki langt frá þeim slóðum þar sem fjölskylda bílarisans Henry Ford átti heima. Hún lærði að keyra á bænum þegar hún var átta ára, klessti inn í hlöðu þegar hún var tíu ára og fékk ökuréttindi tólf ára. Daman er semsagt búin að vera keyrandi í 90 ár.

Image: Margaret Dunning with her 1930 Packard car — Stýrið er orðið aðeins of stórt

Hún keyrir enn gamla Packardinn sinn en stýrið er víst orðið harla stórt svo flesta daga notar hún kadilakkinn sinn, árgerð 2003.

Margrét Dunning er eldklár og skemmtileg. Hún grínaðist við aðra félaga á bílasýningunnni um að hún hefði líklegast blý í fótunum og að það útskýrði allar hraðasektirnar sem hún hefur fengið í gegnum tíðina:

„Þetta pirrar lögreglumennina voðalega mikið en mér er alveg sama,“ segir sú gamla.

Margrét Dunning þurfti að hætta í háskóla þegar kreppan mikla skall á en hefur árum saman átt farsælan feril í heilsölu og bankaviðskiptum og er milljarðamæringur í dag og hefur aldrei gift sig.

„Ég hef lifað svo áhugaverðu lífi í þessum heimi,“ segir hún. „Á hverju ári sé ég meiri fegurð í því sem ég virði fyrir mér.“

Yndisleg fyrirmynd!

Pjatt

Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.

pjatt.is