Victoria Justice er nítján ára gömul leikkona sem leikur í þáttaröðinni “Victorious” og er sú þáttaröð að klára sína þriðju seríu.
Unga daman gaf lesendum Self nokkur góð ráð varðandi heilsuna og útlitið:
1. Ekki maka of miklum farða á andlitið
Ekki vera hrædd við það að vera náttúrulega förðuð eða sleppa meiki og púðri. Það er svo gott að leyfa húðinni að anda annað slagið.
2. Þegar útlitið er ekki upp á sitt besta
Þegar ég lít ekki sem best út þá finnst mér gott að taka smá detox, ég fæ mér hráfæði og nóg af vatni – þá líður mér strax betur.
3. Klíptu sjálfa þig vel í kinnarnar
Þegar ég hef ekki tíma til þess að fríska upp á málninguna þá klíp ég mig um tíu sinnum á hvora kinn til þess að fá roða í kinnarnar-ekki klípa of fast samt þá gæti komið mar!
4. Náttúrulegar neglur
Ég hef ekki þá löngun til þess að breyta um naglalakk í hvert skipti sem ég skipti um föt, neglurnar mínar eru yfirleitt náttúrulegar og passa þá við allt sem ég klæði mig í.
5. Það er MJÖG mikilvægt að þrífa farðann af
Ég þvæ andlitið á mér í hvert skipti áður en ég fer að sofa- það er regla númer eitt fyrir fallega húð.
6. Lifðu heilsusamlega
Ég er aðeins nítján ára þannig að ég er ekki að stressa mig mikið yfir því að eldast, ekki ennþá. Mamma hvorki drakk né reykti þegar hún var ung og stundaði ekki heldur sólböð. Ég fer að hennar fordæmi.
Flott stelpa hér á ferð sem vert er að fylgjast vel með í framtíðinni!
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
