HOLLYWOOD: Stjörnur sem hafa lent í einelti - Pjatt.is

Einelti hefur verið mikið í umræðunni að undanförnu og ekki að ástæðulausu – við ættum alltaf að vinna markvisst gegn því.

Í sumum tilfellum gerir eineltið fólk sterkara en í öðrum brýtur það einstaklingana niður. Meðal þeirra íslendinga sem hafa orðið fyrir einelti og komið út sem sigurvegarar eru t.d. Páll Óskar, Jón Gnarr og Björgvin Frans en hér eru nokkrir frægir útlendingar sem lentu í ljótu einelti. T.d. Tom Cruise og Victoria Beckham…

Tékkaðu á því hvað þau hafa að segja…

Winona Ryder ólst upp í hippakommúnu. Einn daginn mætti hún í strákajakkafötum keyptum i Hjálpræðishernum í skólann. Krakkarnir kölluðu hana ljótum nöfnum og börðu höfðinu á henni við skáp með þeim afleiðingum að hún hneig niður.

Tom Cruise varð fyrir einelti í fimmtán skólum! Hann er lesblindur og það gaf krökkum tilefni til eineltistilburða -- "og það sem var verra," sagði Cruise í viðtali..."...er að ég var jú ekki stærsti gaurinn í bekknum":

Rosario Dawson varð fyrir einelti af öðrum stelpum af því hún varð lengur að fá brjóst.

Michael Phelbs var strítt rosalega í æsku út af því hvað hann er stór og með útstæð eyru. Það stoppaði hann samt ekki frá því að vinna ÁTTA gullmedalíur í Peking.

Jessica Simpson varð fyrir miklu einelti. Pískur og hvísl þegar hún kom gangandi, hentu í hana klósettpappír og eggjum í húsið hennar.

feature

Clay Aiken var strítt mikið vegna þess að hann var eini strákurinn í skólanum sem var í kór. Í langan tíma þorði hann ekki að syngja af ótta við að vera strítt.

Christina Aguilera lenti í miklu aðkasti strax í grunnskóla. Aðrar stelpur stríddu henni vegna leikrita og sýninga sem hún stóð sig vel í og eitt sinn voru öll dekkin á bíl mömmu hennar skorin í sundur af bekkjarfélögum.

Christian Bale var bara þrettán ára þegar hann fékk hlutverk í mynd eftir Steven Spielberg. Þetta fékk skólafélagana til að vilja berja hann.

Chad Michael Murray byrjaði illa í skóla. Strax þegar hann var í fyrsta bekk kom 12 ára strákur og kýldi úr honum tennur. Eggjum var kastað í húsið hans. Honum leið illa í skóla og fannst hann ekki passa inn.

"Þau virkilega tóku drasl upp úr pollum og hentu í mig. Ég átti enga vini. Krakkarnir köstuðu mér til og hótuðu að elta mig heim eftir skóla og berja mig" - Victoria Beckham.

"Systur mínar voru allar ljóshærðar með ljósbrún augu. Ég var sú eina dökka og þær kölluðu mig ljóta andarungann." Eva Longoria Parker

"Ég tilheyrði aldrei flottu klíkunni, var alltaf fyrir utan. Og þegar mér leið verst fannst mér ég klæða mig asnalega og eiga enga peninga." Mishca Barton

Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.

Svipað efni

Input your search keywords and press Enter.