Glamúrgaurinn brúni hann Peter Andre segir að glamúrgellan Katie Price vilji fá sig aftur en parið skildi árið 2009.
Síðan þá hefur hún átt í einu hjónabandi og einu sambandi en nú er hún ein og að sögn eiginmannsins fyrrverandi hefur hún áhuga á að fá hann til baka.
Hann segir að hún eigi enn eitthvað ósagt við hann en því sé ekki öfugt farið. Hvað Peter varði þá sé sambandi þeirra alveg lokið.
“Þó að við séum bæði single þá eigum við aldrei eftir að byrj asaman aftur. Stundum held ég að hún vilji það en ég er búinn að gera upp hug minn.”
Peter segir myndir af Kate að djamma og daðra við aðra menn ekki hafa neitt með skilnað þeirra að gera: “Katie segir að ég hafi skilið við hana af því það birtust myndir af henni að flörta við einhverja menn og ég hafi með því trúað að hún hefði haldið framhjá mér en þetta er ekki rétt. Myndirnar eru ekki ástæðan fyrir skilnaðinum,” segir Peter.
“Það gerðist svolítið stórt á milli okkar og ástæða þess að ég segi ekki frá því opinberlega er að ég vill ekki að krakkarnir okkar fari að lesa um það. Ég á hinsvegar eftir að segja þeim þetta einn daginn og þá kem ég fram í sjónvarpi og segi frá því sem raunverulega gerðist. Katie er 100% með ástæðuna fyrir því að ég fór frá henni á hreinu og ég er 100% viss um að það sem gerðist hafi raunverulega gerst.”
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
