Í einlægu viðtali við tónlistarstöðina VH1 í þættinum “Behind The Music” talar Nicole um þennan alverlega sjúkdóm.
Nicole segist hafa hatað sjálfa sig en búlimían var sem verst þegar hún var að koma fram með “The Pussycat Dolls”.
“Ég þoldi ekki sjálfa mig, hafði óbeit á mér og hreinlega hataði sjálfa mig og líkamann minn. Ég var alltaf vandræðaleg og einmana -ég var í hljómsveit með mörgum stelpum en ég var samt sem áður mjög einmana”.
Síðan útskýrir Nicole:
“Ég hugsa að Búlimían hafi verið fíknin mín-ekki satt? Ég tók aldrei inn eiturlyf en að skaða sjálfa mig var nógu mikil víma í sjálfu sér. Ég steig á sviðið og var í vissu alsæluástandi og þegar ég kom af sviðinu og fór inn í búningsherbergið þá var ég einmana og gerði ýmsa hluti”.
“Ég var til dæmis með blöðrur á höndunum og ör, ég notaði hverja einustu sekúndu sem ég gat til þess að meiða og skaða sjálfa mig í heilt ár. Ég held að stelpurnar í hljómsveitinni hafi verið farnar að taka eftir því”.
Nicole er sem stendur dómari í X-Factor þáttunum. Hún virðist hafa snúið blaðinu við og er komin á rétta leið með líf sitt og heilbrigðari lífshætti.
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
