Ástralska leikkonan Nicole Kidman leikur nú í nýrri kvikmynd sem nefnist Paperboy. Þar leikur hún afar frjálslega konu sem gerir allt til þess að fá manninn sinn lausan úr fangelsi.
Nicole segir að ef að hún gæti þá væri hún mun frjálslegri í sínu eigin lífi en það gengur einhvern veginn ekki upp að vera frjálslegur og sama um allt og alla þegar ljósmyndarar elta þig alla daga, allan daginn. Henni finnst hún loksins hafa fengið tækifæri í þessari mynd til þess að sýna á sér ögrandi hlið sem hefur ekki komið fram áður í kvikmyndum hennar.
Nicole skildi við Tom Cruise árið 2001. Fljótlega eftir skilnaðinn fékk hún aðalhlutverk í kvikmyndinni The Hours og hlaut óskarinn fyrir leik sinn í henni. Nicole segir að ef þú sért ekki hamingjusöm í einkalífinu þá gangi þér ekki vel í framalífinu en segja má að leikstjóra myndarinnar The Hours hafi tekist að lífga hana aftur við eftir skilnaðinn og er hún honum afar þakklát fyrir það en svo virðist sem Tom Cruise hafi haldið aftur af henni rétt eins og hann gerði með Katie Holmes.
Nicole á tvö börn með Tom Cruise og tvö með núverandi eiginmanni sínum Keith Urban.
Hún segir að tíminn með börnunum sé afar dýrmætur og það sé mjög erfitt að vera fjarri þeim þegar hún er við tökur á kvikmynd þar sem að hún vill helst ekki missa af neinu sem er að gerast hjá þeim.
Hún er þó að reyna að vinna úr því og segir að hún geti ekki verið hjá þeim öllum stundum þó hún myndi gjarnan vilja það enda sé það líklega hvorki hollt fyrir hana né börnin -allir þurfa sitt svigrúm.
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
