Miranda Kerr gaf Jennifer Aniston handgerð undirföt sem hún getur notað á brúðkaupsnóttinni þegar hún giftist kærastanum Justin Theroux.
Ástralska fyrirsætan, sem á nú tveggja ára strák með Orlando Bloom, er nýlega hætt að starfa með Victorias Secret en ætlar sér sjálf stóra hluti á undirfatamarkaðnum. Af þessu tilefni sendi hún leikkonunni heimsfrægu gjafakassann en sjónarvottar segja að þarna séu algerlega einstök föt á ferð.
„Hvít, handgerð, kynþokkafull, klassý og algjörlega ótrúlega falleg!“
Jennifer ku hafa sýnt bestu vinkonum sínum útkomuna og getur ekki beðið þess að klæðast þeim á brúðkaupsnóttina fyrir eiginmanninn tilvonandi sem þá verður ekki lengur tilvonandi.
Jennifer mun hafa orðið svo heilluð og snortin þegar hún fékk gjöfina frá fyrirsætunni fögru að hún fékk jafnframt áhuga á að kynnast henni betur.
Heimildarmaður sagði við OK tímaritið að Jennifer hafi við þetta ákveðið að bjóða Miröndu heim til sín í yoga tíma en báðar eru miklar jógastelpur. Það er ekkert annað!
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
