Ég hef hlustað á NIRVANA síðan ég var ungabarn. Foreldrar mínir hlustuðu á Nirvana og þeir hafa fylgt mér alla mína tíð.
Nirvana er ein af mínum uppáhalds hljómsveitum. Rödd Kurt Cobain er einstök og á ég því erfitt með að hlusta á cover lög af Nirvana lögum.
Ég hef þó heyrt eitt og eitt cover sem mér hefur fundist ásættanlegt en enginn gerir betur en Kurt og ætti því enginn að reyna.
Miley Cyrus byrjaði feril sinn snemma, varð barnastjarna og fyrirmynd fjölda stelpna en með tímanum hefur henni tekist að verða verri og verri fyrirmynd. Fötunum hefur fækkað, ósmekklegar myndir af henni hafa lekið á netið og myndband af henni reykja salvíu farið eins og eldur um sinu um netheima.
EN NÚ SEGI ÉG STOPP!
Ég rakst á myndband af Miley taka hið ódauðlega lag “Smells like teen spirit” með Nirvana.
Mig langaði helst til að æla. Ekki reyna þetta Miley. Farðu í föt og syngdu Disney lög.
Hér má svo sjá myndbandið. Hvað finnst þér?
[youtube]http://www.youtube.com/watch?v=kWizumAW2YA[/youtube]
Stella Björt útskrifaðist úr Borgó 2010 og starfar nú sem verslunarstjóri í Topshop í Smáralind. Þess á milli tekur hún að sér stílistaverkefni og hefur tekið námskeið í stíliseringu í London College of Fashion en stefnir á fullt nám þar í framtíðinni. Stella er tvíburi.
