Það er aldrei lognmolla í kringum Kardashian/Jenner fjölskylduna en lögreglan og barnavernd litu í óvænta heimsókn til fjölskyldunnar um daginn.
Deild innan lögreglunnar sem sér um barnavernd fékk nafnlaust símtal um að yngstu systurnar þær Kendall og Kylie væru orðnar útkeyrðar og farnar að kalla á “hjálp” með hegðun sinni.
Talað var við stúlkurnar í sitthvoru lagi ásamt því að ræða við foreldrana Bruce og Kris sem voru samvinnufús og skildu að lögreglan og starfsfólk hennar væru að sinna sínu starfi en það eru lög í Bandaríkjunum sem segja til um það að ef einhver hringir inn vegna velferðar barna þá þarf að kanna það strax.
Stúlkurnar hafa sýnt undarlega hegðun undanfarið. Keyra eins og algjörir bjánar út um alla Los Angeles borg, talandi í símann, takandi myndir og sendandi skilaboð. Einn vegfarandi sagðist hafa verið heppinn að Kendall hafi ekki keyrt á sig um daginn þar sem að hún var svo upptekin af því að fikta í símanum sínum.
Kendall og Kylie eru hættar í skóla og fá núna heimakennslu til þess að þær geti náð frama í módelbransanum en þær eru aðeins 16 og 15 ára gamlar.
Kris og Bruce voru að sögn slúðurpressunnar vestra sár yfir því að einhver hefði hringt og sakað þau um vanrækslu á dætrum sínum og vona að málið leysist án allra hnökra.
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
