Lady Gaga kemur hingað til lands á morgun (eða í kvöld) til að taka við friðarverðlaunum Lennons og Yoko í Hörpunni.
Hún er enn á fullu í Evróputúr sínum en þegar hún var stödd í Frakklandi um daginn ákvað hún að skella sér út í göngutúr í gallastuttbuxum og brjóstahaldara í stíl! Allt til að hrista upp í mannskapnum en hún hefur fengið á sig gagnrýni undanfarið fyrir að hafa þyngst of mikið.
Söngkonunni virtist vera alveg sama þó að papparassarnir væru á hælum hennar en lífverðir söngkonunnar fylgdu henni hvert fótmál.
Síðan er það bara stóra spurningin:
Hverju mun Lady Gaga klæðast þegar hún mætir til Íslands taka við viðurkenningu úr LENNONONO-friðarsjóðnum?
Þessi klæðnaður er hugsanlega of efnislítill fyrir klakann en það er aldrei að vita með Gaga, hún er vís til alls þegar kemur að fatnaði.
Daman fékk verðlaunin fyrir störf sín í þágu homma, lesbía og transgender fólks en Pussy Riot eru einnig meðal þeirra sem fá verðlaun á morgun. Yoko Ono er mikill aðdáandi Lady Gaga og segir hana hafa breytt hugsunarhætti heimsins, m.a. með plötu sinni Born This Way.
Verðlaunahátíðin mun fara fram í Hörpunni á morgun og er lokuð almenningi en það eru Ono og Jón Gnarr sem láta Gaga hafa verðlaunin. Hér eru svo nokkrar myndir af dívunni á vappinu í Frakklandi:
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
