Verðlaunahátíðarnar eru senn að fara að byrja og í tilefni af því gaf The Hollywood Reporter út blað með nokkrum fögrum leikkonum sem hafa slegið í gegn á síðustu árum.
Blaðið inniheldur meðal annars viðtöl við Naomi Watts, Amy Adams, Anne Hathaway, Sally Field, Helen Hunt, Marion Colltiard og Rachel Weisz.
Naomi Watts hafði þetta að segja um það sem hún óttast sem leikkona:
“Ég er ekki ánægð nema það sé einhver ótti í kringum það að fá kvikmyndahlutverk. Ég er stanslaust að hringja í leikstjórann og segja honum að ég sé ekki alveg viss um hvort að ég geti leikið þetta hlutverk. Þegar ég fór í áheyrnarprufur fyrir Mulholland Drive þá sá leikstjórinn David Lynch eitthvað í mér, hann losaði um óttann minn og sagði mér að losa mig við allar þessar grímur sem ég set upp-bara vera ég sjálf.”
Amy Adams hætti næstum því í leiklistinni:
“Það munaði ekki miklu, ég ætlaði þó ekki að hætta alveg við það að vera leikkona heldur ætlaði ég að fara til New York og reyna við minni leiklistarmarkað þar. Ég var ekki hamingjusöm og ef hamingjan er ekki til staðar þá er þetta alls ekki þess virði.”
Rachel Weizs um húðflúrin sín:
“Ég lét setja tattú af stiga á mjöðmina á mér til þess að minnast leiklistaráranna í Cambridge. Þessi stigi hefur mikla þýðingu fyrir mig, hann kom mér þangað sem ég er í dag og ég er afar ánægð með þetta húðflúr.”
Anne Hathaway hafði þetta að segja um karakterinn sinn í Vesalingunum:
“Mamma tók þátt í fyrstu uppsetningunni af Vesalingunum sem ferðaðist um allt landið og hún lék Fantine. Þegar ég vissi að ég var að fara í áheyrnarprufu fyrir sama hlutverk varð ég afar stressuð því ég vissi hvaða þýðingu þessi persóna hafði fyrir henni. Ég var ekki viss hvort að hún yrði glöð með það ef ég fengi sama hlutverk en þegar það kom í ljós fagnaði hún meira en allir aðrir.”
Sally Field um breytta tíma:
“Þessi heimur er allt allt annar en hann var hér áður fyrr. Ég hef verið í þessum Hollywood bransa í fimmtíu ár og hér áður fyrr voru það tímaritin sem skiptu máli. Þau buðu manni á stefnumót með öðrum ungum og upprennandi stjörnum og þetta stundaði ég á mínum unglingsárum þó mér hafi þótt það alveg hrikalegt,” sagði Sally.
Hér að neðan er stórt myndasafn með þessum glæsilegu konum sem hafa sumar verið fyrirmyndir kynsystra sinna til fjölda ára.
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
