Beoncey tjáir sig um hvernig upplifun það var að missa fóstur í heimildarmynd sem væntanleg er um stjörnuna núna 16 febrúar.
Fyrir tveimur árum missti hún fóstur þegar hún var komin nokkrar vikur á leið.
Beyoncé segir að þegar hún hafi uppgötvað að hún væri ólétt í fyrsta sinn þá hefði hún verið hamingjusamari en nokkru sinni fyrr og að heyra hjartsláttinn í skoðun hafi verið besta tilfinning í heimi. Hún var farin að velja nöfn og ímynda sér hvernig lífið yrði með barninu. Þegar hún fór í næstu skoðun kom í ljós að það var enginn hjartsláttur og hún missti fóstrið.
Söngkonan leitaði í tónlistina til að komast yfir fósturmissinn og hún segist hafa farið í stúdíóið og samið daprasta lag sem hún hefur nokkurn tímann skrifað en hún vill þó ekki gefa upp hvaða lag það er. Lagið var fysta lagið sem hún skrifaði fyrir plötuna og hún segir að það hafi hjálpað henni gríðarlega mikið.
Þegar Beyoncé varð ófrísk af Blue Ivy varð hún aftur mjög glöð en hún segir að það sé mjög erfitt að halda gleðinni inni án þess að allir fatti að þú sért raunverulega ófrísk.
Hún líkir því að vera barnshafandi við það að verða ástfangin, þú sért svo opin og yfir þig glöð með lífið. Það sé engin tilfinning eins og að finna líf vaxa innan í sér. Það veldur því að þú viljir öskra og hoppa út um allt af gleði að finna barnið sparka inn í þér sé einnig frábær tilfinning.
Beyoncé kom öllum á óvart þegar hún birtist á MTV verðlaunahátíðinni með kúluna sína en þá hafði hún náð að halda meðgöngunni leyndri í nokkra mánuði, söngkonan var þó afar hrædd við fæðinguna sjálfa en lýsir henni sem mesta krafti sem þú getir nokkurn tímann framleitt sjálf.
Hún bætir því einnig við að það að veita barni líf sé eins og að fá að hjálpa til við kraftaverk, líf þitt verður svo miklu miklu betra eftir að barnið kemur í heiminn.
Beyoncé viðurkennir að þrátt fyrir fé og frægðina þá sé hún manneskja og er eins og við hin þegar kemur að uppeldinu…
Hún grætur og verður stressuð eins og allir aðrir í lífinu jafnvel þó hún sé heimsfræg og geti gert nánast hvað sem henni dettur í hug.
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
