HOLLYWOOD: Afdrif 90's leikaranna - Þetta eru þau að gera í dag

Eftir því sem ég eldist verður fortíðarþráin alltaf meiri. Það er ekki það að ég njóti ekki þess sem er í núinu eða að ég vilji að hlutirnir hefðu haldist óbreyttir til eilífðarnóns heldur það að ég vildi að ég hefði notið þess sem var enn betur vitandi hvað yrði seinna.

Þegar ég var yngri var ég algjört 90’s barn, ég lék mér í Super Mario Bros og Sonic the hedghehog, ég safnaði plastsnuddum, ég hef átt fleiri en einn krumpugalla í lífinu, ég var góð að poxa, ég átti skó sem blikkuðu, ég grét þegar Michael Jordan körfuboltamyndinni minni var stolið…næstum jafn mikið og þegar ég sá Múfasa og strákinn í “My Girl” deyja í bíó, ég man ennþá hvernig bragðið af tyggjóinu var sem fylgdi með Bart Simpson spjöldunum, fyrsta fullorðinsmyndin sem ég sá var “Four Weddings and a Funeral”, ég gekk í smekkbuxum í fullri alvöru og Reif í Sundur var að mínu mati hápunktur tónlistarmenningarinnar.

Það var á 10. áratug seinustu aldar sem ást mín á kvikmyndum hófst, aðallega vegna þess að ég bjó í litlum bæ og við vinirnir höfðum lítið annað að gera en að kíkja í bíó eða út á vídjóleigu (sem var líka hestamannabúð)…til að leigja nýjustu myndina, eða bara hvað sem var inni þá stundina. Þá kostaði bara 650 kr í bíó og að leigja eina nýja og eina gamla mynd kostaði 350kr. Það var líka þá sem ég veggfóðraði herbergið mitt með myndum af Leonardo DiCaprio og öðrum kvikmynda- og sjónvarpsstjörnum sem eru ýmist gleymdar í dag eða urðu að stórstjörnum að stærðargráðu sem engan óraði fyrir þá.

Um daginn skellti ég Forrest Gump í tækið til að endurupplifa gamla tíma og kom auga á kunnulegt andlit og ég varð að komast að því hvar þessi leikkona hafði leikið annarsstaðar. Í framhaldi að því fór ég svo að hugsa hvað hefði orðið um alla leikarana sem voru svo eftirtektarverðir á 10. áratugnum en hafa varla sést síðan þá?

Hanna Hall - lék Jenny í Forrest Gump (1994) - Cecila í Virgin Suicides (1999) - Á síðustu myndinni er hún á frunsýningu fyrir Halloween árið 2007, hún heldur áfram að leika en hefur ekki verið í öðrum stórmyndum. — Hanna Hall – lék Jenny í Forrest Gump (1994) – Cecila í Virgin Suicides (1999) – Á síðustu myndinni er hún á frunsýningu fyrir Halloween árið 2007, hún heldur áfram að leika en hefur ekki verið í öðrum stórmyndum.

Þó að Jeremy Jackson stæri sig af því að hafa verið valinn fram yfir Leonardo DiCaprio í hlutverk Hobie í Baywatch þá getur Leo allavega stært sig af að hafa leikið í stærri kvikmyndum síðan þá! Jeremy hefur eytt árunum síðan hann var í Baywatch í að leika í nokkrum kvikmyndum en hann hefur líka tvisvar farið í meðferð, einu sinni vegna metamfetamínnotkunnar og einu sinni vegna steranotkunnar.

Pauly Shore var einn vinsælasti gamanleikarinn í byrjun 10. áratugsins en brann fljótt út vegna einhæfni karakteranna hans. Í lok áratugsins teiknuðu Simpson menn hann inn í einn þátta sinna sem "has-been" en hann fékkst ekki til að tala inn á þáttinn. Í dag er hann uppistandari og hann var einn af þeim sem kom til greina til að leika Leonard Hofstadter í The Big Bang Theory. — Pauly Shore var mjög vinsæll gamanleikari í byrjun 10. áratugsins fyrir myndir eins og In the Army Now og Encino Man. Hann brann fljótt út vegna einhæfni karakteranna hans. Í lok 10. áratugsins birtist hann í Simpsons en hann fékkst ekki til að tala inn á þáttinn. Í dag er hann uppistandari og var einn af þeim sem kom til greina til að leika Leonard Hofstadter í The Big Bang Theory.

Melissa Joan Hart varð fræg þegar hún lék táninganornina Sabrinu, sem var í uppáhaldi hjá mörgum. Melissa leikur núna í þáttunum Melissa & Joey og er gift með þrjú börn. Í lok árs ætlar hún að gefa út sjálfævisögu þar sem hún segir meðal annars frá því þegar hún og Ryan Reynolds fóru í sleik :) — Melissa Joan Hart varð fræg þegar hún lék táninganornina Sabrinu. Melissa leikur núna í þáttunum Melissa & Joey og er gift með þrjú börn. Í lok árs ætlar hún að gefa út sjálfævisögu þar sem hún segir meðal annars frá því þegar hún og Ryan Reynolds voru skotin og fóru í sleik 🙂

Jason Priestly þekkja flestir sem Brandon Walsh í Beverly Hills. Síðan Beverly Hills hætti í sýningum árið 2000 þá hefur Jason leikið í miklum fjölda kvikmynda og sjónvarpsþátta en lítið af þeim hafa öðlast vinsældir. Í dag leikur hann í kanadískum þáttum sem heita Call Me Fitz. — Jason Priestly þekkja flestir sem Brandon Walsh í Beverly Hills. Síðan Beverly Hills hætti í sýningum árið 2000 þá hefur Jason leikið í miklum fjölda kvikmynda og sjónvarpsþátta en lítið af þeim hafa öðlast vinsældir. Í dag leikur hann í kanadískum þáttum sem heita Call Me Fitz og hafa nýlega verið teknir til sýninga í Bandaríkjunum og hafa fengið góða umsögn gagnrýnenda.

Jonathan Taylor Thomas var í draumum margra táningsstúlkna þegar hann lék Randy Taylor í Handlögnum Heimilisföður en hann hætti fljótlega að leika eftir að þættirnir hættu til að fara í skóla. Í 10 ár gekk hann í Harvard og Colombia ásamt því að leika gestahlutverk í ýmsum þáttum. Á þessu ári leikur hann svo í lokaþætti "The Last Man Standing" en þar er Tim Allen í aðalhlutverki. — Myndir af Jonathan Taylor Thomas prýddu herbergi margra táningsstúlkna á 10. áratugnum þegar hann lék Randy Taylor í Handlögnum Heimilisföður. Jonathan hætti fljótlega að leika eftir að þættirnir hættu til að fara í skóla. Í 10 ár gekk hann í Harvard og Colombia ásamt því að leika gestahlutverk í ýmsum þáttum. Á þessu ári leikur hann svo í lokaþætti “The Last Man Standing” en þar er Tim Allen í aðalhlutverki.

Janeane Garofalo varð andlit X-kynslóðarinnar eftir eftirminnilegt hlutverk sitt í Reality Bites. Síðan þá hefur hún birst í fjöldanum öllum af kvikmyndum en oftast í aukahlutverki. — Janeane Garofalo varð andlit X-kynslóðarinnar eftir eftirminnilegt hlutverk sitt í Reality Bites. Hún er alveg einstaklega skemmtileg leikkona og hefur hafnað flottum hlutverkum, m.a. í Scream og Fight Club, einfaldlega vegna þess að hún hefur ekki talið þau henta sér, og sér ekki eftir neinu! Ásamt Reality Bites á Janeane líka eftirminnilegt hlutverk í Romy and Michele’s High School Reunion og 24. Síðan á 10. áratugnum hefur hún birst í fjöldanum öllum af kvikmyndum en er oftast í aukahlutverki.

Mér finnst alltaf jafn skrýtið að Donald sé ekki frægari en hann er...hann heillaði mig fyrst upp úr skónum í Cluless en svo horfði ég á hann í mörg ár sem Turk í Scrubs. Hann hefur gert fátt annað sem vakið hefur eftirtekt á seinustu árum en næst á dagskrá hjá honum er að leika í nýju myndinni frá meðleikara hans í Scrubs, Zach Braff. — Mér finnst alltaf jafn skrýtið að Donald sé ekki frægari en hann er…hann heillaði mig fyrst upp úr skónum í Clueless en svo horfði ég á hann í mörg ár sem Turk í Scrubs. Hann hefur gert fátt annað sem vakið hefur eftirtekt á seinustu árum en næst á dagskrá hjá honum er að leika í nýju myndinni frá meðleikara hans í Scrubs, Zach Braff, sem vakti mikla athygli fyrir myndina Garden State.

Devon Sawa var einn uppáhalds barna leikarinn minn þegar ég var yngri. Hann lék í heilum helling af barna- og seinna unglingamyndum en hvarf svo af sjónarsviðinu og hefur varla fengið stór hlutverk síðan hann lék Stan í vídjói við samnefnt lag frá Eminem. — Devon Sawa var einn uppáhalds barnaleikarinn minn þegar ég var yngri. Hann lék í heilum helling af barna- og seinna unglingamyndum, m.a. Casper, Now and Then, Idle Hands og Final Destination, en hann hvarf svo af sjónarsviðinu og hefur varla fengið stór hlutverk síðan hann lék Stan í vídjói við samnefnt lag frá Eminem. Í dag leikur hann í þáttum sem heita Nikita.

Það muna flestir eftir Önnu Chlumsky sem litlu stelpunni úr My Girl. Hún gafst upp á því að vera leikkona sem táningur og fór í háskóla. Árið 2007 sneri hún þó aftur og er núna með fast hlutverk í þáttunum Veep. — Það muna flestir eftir Önnu Chlumsky sem litlu stelpunni úr My Girl. Hún lék í nokkuð mörgum kvikmyndum í byrjun 10. áratugsins en gafst svo upp á því að vera leikkona sem táningur og fór í háskóla. Árið 2007 sneri hún þó aftur og er núna með fast hlutverk í þáttunum Veep. Anna er búin að vera gift í um það bil 5 ár og á vona á sínu fyrsta barni með eiginmanninum.

Val Kilmer var maðurinn sem flestum konum dreymdi um á 10. áratugnum. Á seinustu árum hefur hann haldið sér mjög uppteknum og leikið í allt að 10 myndum á ári þó að fáar þeirra séu stórmyndir. Hann hefur líka verið að berjast við aukakílóin en lítur vel út í dag og var að ljúka tökum á mynd með Emmu Roberts og James Franco!

Seth Green er nafn sem er einhverra hluta vegna ekki nafn sem margir þekkja þó að flestir þekki andlitið eða það sem hann gerir. Seth er einna helst þekktur fyrir það að leika Scott Evil í Austin Powers myndunum og í seinni tíð fyrir að tala fyrir Chris Griffin í Family Guy. Hann hefur leikið í fjöldanum öllum af kvikmyndum en hann er líka framleiðandi Robot Chicken (ásamt Breckin Meyer). — Seth Green er nafn sem er einhverra hluta vegna ekki nafn sem margir þekkja þó að flestir þekki andlitið eða það sem hann gerir. Seth er einna helst þekktur fyrir það að leika Scott Evil í Austin Powers myndunum og í seinni tíð fyrir að tala fyrir Chris Griffin í Family Guy. Hann hefur leikið í fjöldanum öllum af kvikmyndum en hann er líka framleiðandi Robot Chicken (ásamt Breckin Meyer(Travis í Clueless)).

Gaby Hoffman er ekki nafn sem margir kannast við en flestir sem horfðu á kvikmyndir á 10. áratugnum kannast við andlitið en hún lék meðal annars í Field of Dreams, Sleepless in Seattle og Now and Then. Á undanförnum árum hefur hún meðal annars leikið í Private Practice, The Good Wife, Homeland og Louie. Í nýjustu mynd sinni, Crystal Fairy, leikur hún á móti Michael Cera. — Gaby Hoffman er ekki nafn sem margir kannast við en flestir sem horfðu á kvikmyndir á 10. áratugnum kannast við andlitið en hún lék meðal annars í Field of Dreams, Sleepless in Seattle og Now and Then. Á undanförnum árum hefur hún ekki vakið mikla eftirtekt en er samt enn að leika og hefur meðal annars leikið í Private Practice, The Good Wife, Homeland og Louie. Í nýjustu mynd sinni, Crystal Fairy, leikur hún á móti Michael Cera.

Josh Charles er líklega þekktastur fyrir hlutverk sitt í Dead Poets Society en hann lék í mörgum fleiri myndum á 10. áratugnum. Í dag leikur hann í þáttunum The Good Wife. — Josh Charles sló í gegn hjá mér þegar hann lék á móti Christinu Applegate í Don’t Tell Mom The Babysitter is Dead en það þekkja hann líklega flestir fyrir hlutverk hans í Dead Poets Society. Hann tók smá hlé frá því að leika í myndum sem vegnuðu vel en í dag leikur hann í þáttunum The Good Wife.

Alicia Silverstone hefur ekki mikið breyst í gegnum árin en síðan hún lék í Clueless sem er enn hennar þekktasta mynd hefur hún haldið sér upptekinni með því að skrifa matreiðslubækur! Alicia er líka enn að leika meðal annars í þáttunum Suburgatory. — Alicia Silverstone hefur ekki mikið breyst í gegnum árin. Síðan hún lék í Clueless sem er enn hennar þekktasta mynd hefur hún meðal annars haldið sér upptekinni með því að skrifa matreiðslubækur! Alicia er líka enn að leika, meðal annars í þáttunum Suburgatory og í indie myndinni Butter.

Þannig fór um sjóferð þá… svo veit enginn hvað gerist í framtíðinni.

Tinna Eik

Tinna hefur brennandi áhuga á næstum öllu en þó líklega mest á sjónvarpi og kvikmyndum, án þess þó að hafa nokkurt faglegt vit á hvorugu.
Hún er nemandi í mannfræði og starfar með náminu sem samfélagsmiðlaráðgjafi. Hún elskar allt sem kemur eldamennsku og bakstri við, og þá mest af öllu að baka íslenskar pönnukökur og að poppa örbylgjupopp. Markmið Tinnu í lífinu er að vera góð, láta gott af sér leiða og skemmta sér frábærlega á meðan.