Lena Dunham sem leikur aðalhlutverkið í umtöluðu þáttunum Girls segir frá því í viðtali við tímaritið Interview að hún hafi þurft að skipta um skóla þegar hún var yngri því hún átti enga vini.
Girls hlaut tvenn verðlaun á Golden Globes verðlaunahátíðinni síðastliðið sunnudagskvöld og var leikkonan alsæl með sigurinn en lífið hennar hefur ekki alltaf verið dans á rósum og hún hefur sjálf sagt það að hún passi alls ekki inn í glamúrinn í Hollywood.
Hún er ekki þessi granna og lögulega dama sem er alltaf máluð heldur er hún með línur og er eiginlega sama um allan glamúrinn og glysið. Á sama tíma hefur hún þurft að sæta mikilli gagnrýni vegna þess að hún er ekki steypt í sama mót og flestar hinar leikkonurnar.
Lena segir í viðtalinu að þegar hún var í skóla þá hafi henni liðið eins og hinir krakkarnir skildu hana hreinlega ekki, þeim fannst hún leiðinleg og hún fór í taugarnar á þeim, þannig að Lena vissi að þetta var líka að hluta til hennar sök.
Það endaði síðan með því að hún þurfti að skipta um skóla til að reyna að eignast nýja vini.
Foreldrar hennar litu alltaf á hana sem fórnarlamb en hún segir sjálf að hún hafi verið algjör skíthæll og þess vegna hafi hún þurft að skipta um skóla en ekki vegna hinna krakkanna.
Leikkonan segir að það sé viss pressa að vinna við gerð sjónvarpsþáttar og stundum náir þú alls ekki að koma hlutunum almennilega frá þér þar sem tíminn er oft naumur en þegar þú tekur upp kvikmynd er tíminn meiri og gæðin því betri.
Hún líkir upptökum við það að vera í framhaldsskóla þar sem þú verður að skila inn verkefnunum á réttum tíma, hvort sem þau eru vel gerð eða ekki.
Ef þú hefur ekki fylgst með þáttunum er um að gera að kanna þá en þeir koma úr smiðju HBO sem m.a. framleiddu SATC og fleiri frábæra þætti.
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
