Reykjavik
07 Dec, Friday
3° C
TOP

Jólalegt súkkulaðitré á eftirréttinn! Þetta slær í gegn

tre1

Langar þig til að slá í gegn með eftirréttinn á jólunum? Þá skaltu kíkja á þetta..

Súkkulaðitré sem þú einfaldlega smellir á hvern disk eða í hverja skál með ísnum, frómasinum, súkkulaðikökunni eða ávöxtunum. Súkkulaðitrén gera hvern eftirrétt alveg ótrúlega flottan og það er eins og eftirrétturinn komi frá fimm stjörnu veitingarstað.

tre

Mjög einfalt er að útbúa súkkulaðitréin þú einfaldlega þarft 150 – 300 gr af suðusúkkulaði (fer eftir því hversu marga þú ert með í mat)

  • Hitaðu súkkulaðið yfir vatnsbaði þar til það bráðnar
  • Kældu það þar til súkkulaðið er við stofuhita
  • Settu súkkulaðið í rjómaspautu/kremsprautu og myndaðu tré með súkkulaðinu, best er að nota álpappír eða bökunarpappír undir.
  • Smelltu þessu síðan í frysti þar til tréin eru orðin hörð
  • Svo tekurðu þau úr frysti rétt áður en þú ætlar að bera fram eftirréttir og notar þau sem skraut

Einfalt og algjörlega æðislegt skraut sem klikkar ekki. Það sem er enn betra er að hægt er að búa tréin til fyrir jól og hafa þau tilbúin þegar jólin renna í garð.

 

Guðrún J. Halldórsdóttir er innanhúss- og húsgagnahönnuður. Hún bjó í Flórens á meðan náminu stóð og hreinlega elskar allt sem tengist Ítalíu! Matinn, menninguna og lífsstílinn. Guðrún hefur margra ára reynslu við að hanna íbúðir, veitingahús og hótel. Hennar helstu áhugamál eru hönnun, tíska, matargerð og gömul húsgögn með sál. Eins rekur hún Mio-design en þar er boðið upp á hönnun og/eða ráðgjöf fyrir heimili og eins hluti hannaða úr íslenskum efnum fyrir heimilið. Guðrún er sporðdreki og Tígur í Kínversku stjörnuspánni.