Ég hef aðeins verið að velta því fyrir mér að fá mér pall fyrir sumarið og girða okkur fjölskylduna þannig af.
Með því myndu nágrannarnir sleppa við að horfa á okkur parið eða mig og vinkonur mínar í sólbaði. Aðallega er ég samt að hugsa um að koma fyrir girðingu þar sem við erum komin með lítinn, forvitinn snáða sem er snöggur á sér og duglegur að kanna heiminn. Það þarf jú að passa að þessi litli gullmoli sleppi ekki út á götu.
Ég fór því að skoða garða og pallaefni og velta fyrir mér hvernig ég gæti gert pallinn svona meira kósý. Ég væri til dæmis alveg til í hengirúm og kósý garðhús til að slaka en ætli ég geri ekki bara öruggt og skemmtilegt leikrými á pallinn fyrir litla kútinn.
Engu að síður er ljúft að láta sig dreyma. Kannski gæti ég líka fundið ljósaseríur til að lífga upp á pallinn.
Hér eru nokkrar sætar sumarmyndir:
Díana Bjarnadóttir útlitsráðgjafi og stílisti hefur margra ára reynslu við að aðstoða fólk með fataval. Hún starfaði meðal annars á Ítalíu og í London þar sem hún var stílisti stjarnanna hjá Giorgio Armani og Gucci.
Hefur einnig verið búsett í svíþjóð, Hollandi og á Selfossi en býr nú í Reykjavik. Díana er einnig með menntun í förðunarfræði. Greinar og ljósmyndir Díönu hafa m.a. verið birtar í tímaritunum Veggfóður, Ský og Smáralindarblaðinu. Díana er fædd 1. maí og er því naut.
