Sumarið er tíminn eins og Bubbi syngur svo vel og ég er alltaf með hugann við sól og sumaryl þrátt fyrir að jólin og áramótin séu nýliðinn.

Ég rakst á þessa frábæru hugmynd af heimagerðum smágarði. Snilldarlausn fyrir svalirnar, já eða fyrir þá sem eru svo heppnir að eiga verönd. Ég ætla allavegna að gera svona smágarð í vor og glæða lífi á svalirnar mínar. Það verður spennandi að sjá útkomuna.

Það sem þú þarft til að búa til þinn eiginn smágarð:

Viðarbretti (hægt að fá svoleiðis í næsta stórmarkaði og/eða byggingavöruverslun)
Garðyrkjupappa ( fæst í Blómaval og Garðheimum)
Sandpappír
Heftibyssu og hefti
Hamar og nagla
Mold
Falleg blóm

AÐFERÐ

1. Byrjaðu á því að pússa létt yfir brettið með grófum sandpappír.
2. Skerðu pappann út og hafðu hann tvöfalldan og byrjaðu að hefta. Heftaðu meðfram hliðunum, botninn og bakið og passaðu upp á hornin svo moldin leki ekki þar út. Sjá á meðfylgandi myndum.
3. Byrjaðu að setja mold í brettið og hafðu hana þétta en mundu eftir smá plássi fyrir blómin.
4. Svo er bara að skella blómunum í, byrjaðu á botninum og haltu áfram upp á við. Hafðu mold á milli svo blómin haldist á þeim stað sem þau eru sett á.
5. Lyftu brettinu upp þannig að það standi.
6. Byrjaðu á því að vökva vel efst og minnkaðu vatnsmagnið eftir því sem þú ferð neðar.
7. Leyfðu brettinu að liggja í 2 vikur svo ræturnar á blómunum nái að festa sig áður en þú stillir blómaverkinu þínu upp við næsta vegg.