Á hverjum degi fletti ég í gegnum nokkur blogg varðandi innanhússhönnun og stíleseringu á innanhúsmunum. Ég tel mig afar heppna því aðal áhugamál mitt tengist vinnunni minni svo innblásturinn er endalaus í gegnum þessi dásamlegu blogg.
Eitt af mínum uppáhaldsbloggum er bloggið hennar Astridar en það heitir lisjeastrid.blogspot.it og er dásamlega fallegt. Allt sem hún gerir er létt og ljóst með vel völdum fylgihlutum sem fullkomna hvert rými. Hún er norsk og skandinavísku áhrifin koma ansi sterk í gegn hjá henni eins og hvít húsgögn, hvít gólf og fylgihlutirnir oftar en ekki ljósbrúnir og léttir. Eins er hún snillingur með blómaskreytingar og pastel liti en hún skreytir gjarnan með þeim. Heimilið hennar er mikið notað á blogginu og sýnir hún ýmsar útfærslur á skrauti og fallegum uppsetningum ólíkra hluta.
Endilega kíkið á fallega bloggið hennar en áður skuluð þið kíkja á heimilið hennar í Noregi.
Guðrún J. Halldórsdóttir er innanhúss- og húsgagnahönnuður. Sporðdreki og Tígur takk.
