Hefðarkattapjattrófu trít

Ég er tujpan sem hefur einhvernveginn aldrei haft vit á að nota peningana í extravagant slökun og fegrunarmeðferðir en prófaði um daginn og fullyrði að þetta var sannarlega hverrar krónu virði og mig grunar að svo lengi sem stofan sé góð þá sé peningunum alltaf vel varið með svona löguðu…Svo gerði ég þetta líka svolítið til að halda upp á að hafa lækkað kostnað við litun og klippingar um helming þegar ég fór á Salon Nes til hennar Írisar Gústafsdóttur.,, en þar greiddi ég 7.500 í stað 17.000 fyrir hvorutveggja.

Anyways… “Facial” afmeyjun mín fór fram á Snyrtistofu Guinot við Grensásveg en þar fékk ég andlitsmaska sem ég held að hafi yngt mig um svona 10 ár. Inga setti maskann á mig og meðan hann hitnaði á andliti mínu í 20 mínútur hlustaði ég á slökunartónlist Friðriks Karlssonar. Soldið væminn en gerði það sem til var ætlast.

Ég svona sveif á milli svefns og vöku og leið hreint unaðslega. Svo kom Inga og nuddaði mig alla í bak og fyrir meðan ég slakaði á sem aldrei fyrr. Eftir maskann góða hafði trýnið á mér lyfst upp og allar svitaholur lokast. Ég vissi hreinlega ekki að svona væri hægt… en jiminn eini hvað þetta var gott, árangursríkt og þægilegt.

Sumar konur, sérstaklega þær sem eru eldri, fara reglubundið á snyrtistofur að láta dekstra við sig. Það er vel skiljanlegt. Ég mun bókað fara aftur en kannski meira til að gera vel við sjálfa mig eftir að hafa náð einhverjum árangri… Svona spari.

Skrítið bara hvað ég prófaði þetta seint…

Margrét Hugrún

Ég er af X-kynslóð, elska 70’s tónlist, finnst gott að fara í sund á kvöldin og á erfitt með arfa i görðum. Kýs fjölbreyti í lífið. Kann eina Eminem plötu utanað. Hef thing fyrir Marilyn Monroe, áhuga á feminisma og svona sitthvað fleira.

pjatt.is/author/margret/