Við á Pjattinu vorum aðeins að velta því fyrir okkur hvaða straumar og stefnur yrðu áberandi í hártískunni nú í vetur, – hvað er það sem koma skal?
Til að fá svarið leituðum við til Lenu Magnúsdóttur á Eplinu en hún er einstaklega fersk og fær þegar kemur að hári og fylgist vel með straumum og stefnum. Hún segir að í raun sé ekkert mikið nýtt í gangi þegar horft er til tískupallanna.
“Hárið er rosalega mikið bara slegið og skipt í miðju eða tekið upp í snúða en það má segja að öllu líflegri stefna sé í litum. Nýji liturinn í hári er gulur, og blár eða grænblár og það hefur verið svolítið um bleikan í vor og sumar. Villtar krullur eru líka algerlega málið, STÓRT HÁR. Bob klippingin hefur verið mikið áberandi þetta árið í öllum stærðum og gerðum. Með styttum, alveg þungir og í öllum litum og síddum,” segir Lena og spáir þeim áframhaldandi vinsældum enda mjög klassískir.
“Þetta er líka yfirleitt fyrsta ‘stutta’ klippingin sem stelpur þora að fara í úr alveg síðu hári, svo taka þær þetta skefinu lengra næst og fara þá styttra. Ég hugsa að það verði meira um stuttar töff klippingar í vetur heldur en við höfum séð í sumar,” segir Lena að lokum.
Hér fyrir neðan má sjá smá myndasafn af bláum, gulum og bleikum lit í hári ásamt stórum og flottum krullum. Líflegt og skemmtilegt… Spurning bara hvort margar þori?
+
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
