Ég hef ráðlagt öllum vinkonum mínum að kíkja á gallabuxur í Vero Moda. Þar fara saman flott snið, smart vara, ágæt gæði og enn betra verð.
Eitthvað sem gleður allar tískuskvísur. Sem dæmi fengust þar um daginn flottar gallaleggings í svörtu á 3.500 krónur – svoleiðis er upplagt í vinnuna og líka á djammið. Nýjasta lookið í tískunni fyrir veturinn er einmitt þröngar gallabuxur – það er gegnum gangandi hjá öllum tískuhúsunum. Það er æðislegt fyrir þær sem klæðir að vera í þröngum gallabuxum.
Eins eru alltaf að koma ný gallabuxnasnið í þessari ágætu búð. Mig minnir að verðið á þeim sé á bilinu 9.000 – 12.000 krónur.
Vörurnar seljast nokkuð hratt þarna og sífellt eitthvað nýtt að koma, það hefur augljósa kosti fyrir tískuskvísur sem vilja helst það nýjasta.
Mergur málsins er að oft þarf varan ekki að kosta heil ósköp til að vera stælí og smart.
Aðalmálið er að hafa auga fyrir því hvað klæðir vaxtarlag þitt og velja buxurnar eftir því.
Nóg er úrvalið í búðum á borð við Vero Moda.
Guðrún Gunnarsdóttir er menntuð í viðskiptafræði en hefur lengst af starfað í tískubransanum. Nú rekur hún heildsölu ásamt eiginmanni sínum. Hún er sérlegur unnandi Parísarborgar en þangað fer hún nokkrum sinnum á hverju ári. Guðrún er hrútur, fædd 1976.
