Nú liggur fyrir hvaða hönnuðir munu taka þátt í RFF sem verður haldið hér í mars næstkomandi en eftirtaldir átta hönnuðir eru taldir mynda sterkan hóp vegna sköpunarkrafts og metnaðar.
Því mun þessum snjöllu hönnuðum gefast færi á að koma framleiðslu sinni á framfæri á þessari flottu hátíð sem haldin verður dagana 14-16 mars næstkomandi.
ANDERSEN & LAUTH – www.andersenlauth.com
Andersen & Lauth á rætur sínar að rekja til fyrstu íslensku klæðskeraverslunarinnar sem stofnuð var árið 1934. Í dag standa fjórar konur að baki merkisins, þær bera sögu þess í brjósti sér og hanna samkvæmt þeirri hágæða venju. Hönnun Andersen & Lauth er drifin áfram af ástríðu fyrir handiðn, nákvæmni og þrá til að skapa tilþrifamikla hönnun með menningarlegri arfleifð. Haust- og vetrarlína Andersen & Lauth 2013 er innblásin af list og menningu í bland við vintage og rómantík.
ELLA – www.ellabyel.com
Íslenska slow-fashion fatamerkið ELLA var stofnað árið 2011. Elínrós Líndal, ásamt hópi hæfileikaríkra kvenna, stendur að merkinu og markmiðið er skýrt: að koma heilindum í heim tískunnar. Þær leggja megin áherslu á gæði í efnavali og klassískum stíl. Línan sem verður kynnt á RFF í ár endurspeglar hugarástand teymisins fyrir komandi árstíð. Eftir nokkurra ára skeið af undanhaldi er komin tími til að gleðjast, þó ekki of hátt, en með sæmd og aðgætni í huga.
FARMERS MARKET – www.farmersmarket.is
Íslenska hönnunarfyrirtækið Farmers Market var stofnað af listaparinu Bergþóru Guðnadóttur, hönnuði og Jóeli Pálssyni, tónlistarmanni árið 2005. Hönnun Farmers Market er innblásin af einstakri íslenskri arfleifð, tilþrifamikilli íslenskri tónlist og skandínavískum stíl í bland við nútíma glæsileika. Náttúruleg efni, fagleg vinnubrögð og virðing fyrir umhverfinu eru lykilgildin fatamerkisins. Fatnaður og fylgihlutir frá Farmers Market eru hannaðir á einstaklega vandaðan og klæðilegan hátt og eru tilvalin fyrir hin ýmsu tækifæri, allt frá útivist til daglegs borgarlífs.
Farmers Market – www.farmersmarket.is
„Fínn klæðnaður skal ekki marka leið neins, en hjálpa hverjum og einum að finna sína eigin.” – eru einkunnarorð íslenska merkisins Huginn Muninn. Fyrstu skyrtulínur merkisins voru innblásnar af íslenskri sögu og arfleifð. Síðar fóru að myndast nýjar áherslur en upprunarleg gildi merkisins eru alltaf til staðar. Ráð Hugins Munins endurspeglast með ímyndarþróun merkisins sem leitast við að sækja, finna og fagna þeim einstaklingum, óháð bakgrunni, sem eru samkvæmir sjálfum sér. Þeir fylgja ástríðu sinni og tileinka framlagi sínu og tíma sínum til þess að skapa það besta sem völ er á.
JÖR by Guðmundur Jörundsson – www.gudmundurjorundsson.com
JÖR by Guðmundur Jörundsson er nýtt íslenskt fatamerki, stofnað af Guðmundi Jörundssyni, fatahönnuði (betur þekktur sem yfirhönnuður KORMÁKS & SKJALDAR) og félaga hans Gunnari Erni Petersen í október 2012. Þeirra fyrsta lína hlaut lof gagnrýnenda og blés nýju lífi í íslenskt tísku umhverfi. Önnur lína JÖR, haust- og vetrarlína 2013 verður frumsýnd á Reykjavík Fashion Festival í ár og mun samanstanda af bæði dömu og herra fatnaði.
MUNDI 66º NORTH – www.mundivondi.net
Mundi og 66°Norður eru stolt af því að kynna nýtt samstarf. “MUNDI 66°NORTH” er blanda af afburða faglegri framleiðslu og hönnun 66°Norðurs og súrrealískum heimi Munda. Lína er kölluð “post-post-apocalypse” og er mjög hugmyndafræðileg en jafnframt praktísk. Hver sá sem lítur til framtíðar við öflun svara um himingeiminn og er eigi hræddur við að ávinna sér óvinsældir í þeim tilgangi, mun ekki verða fyrir vonbrigðum.
Rey – www.rey-collection.com
Árið 2010 stofnaði fatahönnuðurinn Rebekka Jónsdóttir merkið REY. Hönnun REY snýst um gæði og heiðarleika og fagurfræðin er mínímalísk þó með blæbrigðarmun. Markmið er að halda áfram að framleiða tímalausan, fágaðan kvenklæðnað sem verður ávalt í uppáhaldi eigandans. Mikil áhersla er lögð á gæði í efnavali og klæðskerasaum. Klassískum flíkum frá REY er hægt að klæðast aftur og aftur.
ÝR – http://yrcollections.com
Ýr Þrastardóttir, hönnuður merkisins ÝR, útskrifaðist sem fatahönnuður úr Listaháskóla Íslands árið 2010. Síðan þá hefur hún meðal annars, keppt í Designers Nest sýningunni árið 2011, hannað þrjár eigin fatalínur og tekið þátt í RFF 2011 og 2012. Á Reykjavík Fashion Festival í ár fáum við að upplifa hugarheim hönnuðarins á sjónrænan hátt en nýja línan hennar er samblanda af tísku og búningahönnun. Innblásin af mannslíkamanum, sögulegri aðalsstétt og kynlausri götutísku dagsins í dag. Þessi lína verður án efa spennandi nálgun á tísku nútímans.
Smelltu HÉR til að fylgjast áfram með RFF á Facebook
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
