Staðfestar fréttir segja að stórstjarnan Leonardo DiCaprio sé staddur á Íslandi um þessar mundir!
Lítið annað er vitað um ferðir stórleikarans eða í hvaða erindagjörðum hann er hér á landi en mögulega er hann að kanna umhverfið fyrir tökur á nýrri mynd sem hann hyggst framleiða. Við seljum það ekki dýrar en við keyptum það… Undanfarið hafa fjallmyndarlegir Hollywood leikarar lagt leið sína til litla Íslands, nú seinast Ryan Gosling sem dvaldi allt sumar hér á landi og fór bara fyrir rúmum tveimur vikum.
Ekki er enn vitað hvort leikarinn sé hér á landi í fríi eða vegna vinnu en eitt er víst að allir Titanic-aðdáendur geta tekið gleði sína og haft augun opin á næstunni – aldrei að vita nema Leó sjáist röltandi um miðbæinn.
Lítill fugl sagði okkur að Leó væri núna á leið á Kaffibarinn að fá sér fimmtudagsbjór.
Pjattrófur er hæstánægðar með þennan nýjasta ,,Íslandsvin” Vertu velkominn kæri Leó!
Anna Margrét er fædd í Reykjavík árið 1987, en hefur alið manninn í Svíþjóð, Suður Ameríku og víðar.
Anna er krabbi, og þykja þeir hinir kátustu. Tíska, förðun, jafnrétti, skrif og ferðalög um Afríku eru nokkur af hennar áhugamálum.
