Dýrahjálp.is gegnir því mikilvæga starfi að auglýsa dýr og koma þeim á fósturheimili á meðan verið er að finna varanlega lausn fyrir þau.
Dýrahjálp er þrælsniðug síða þar sem kostar ekkert að skrá dýrin og til þess að ættleiða dýr þarf viðkomandi umsækjandi að fylla út umsókn þar sem hann/hún gefur upplýsingar um búsetu, fjölskylduhagi, dýrahald og annað slíkt sem er nauðsynlegt til að tryggja það að gæludýr lendi á góðu, ástríku heimili sem hentar hverju sinni.
Biðtími dýra sem eru að bíða eftir nýju heimili getur verið allt frá örfáum dögum upp í nokkrar vikur, og það getur skipt sköpum að þau séu með fósturheimili í millitíðinni til að annast þau ef aðstæður eru erfiðar hjá núverandi eigendum.
Nú er Dýrahjálp hinsvegar í vandræðum og getur ekki útvegað fleiri fósturheimili í bili.
Ef þú sérð þér fært að veita dýrum fósturheimili þar til varanlegri lausn er í boði, farðu þá inn á skráningarsíðu Dýrahjálpar og skráðu þig.
Leggjum dýrunum lið!
Gunnhildur Birna Gunnarsdóttir er förðunarfræðingur og útskrifaðist með hæstu einkunn úr MOOD Make Up School með áherslu á tísku- sjónvarps- og ljósmyndaförðun og tók Airbrush námskeið í sama skóla. Hún er sjálfstætt starfandi og tekur að sér hin ýmsu verkefni, allt frá einstaklings- og brúðarförðunum upp í tímarit og auglýsingar. Einnig vinnur hún fyrir Bobbi Brown á Íslandi sem sölustjóri.
— Vantar þig förðun og/eða persónulega förðunarráðgjöf? Hafðu samband á gunnhildur@gb-makeup.com
