Sanele Masilela giftist hinni 61 árs gömlu Helen Shabangu sem er þegar gift og á fimm börn með manni sínum til þrjátíu ára.
Sanele segir að látnir forfeður sínir hafi talað við sig og sagt að hann þyrfti að giftast. Fjölskyldan hans hlýddi kallinu og hélt heljarinnar brúðkaup fyrir brúðhjónin.
Sanele er yngstur systkina sinna. Hann var klæddur í silfurlituð jakkaföt og virtist alvarlegur á svip á meðan á brúðkaupinu stóð. Brúðargestir voru 100 og urðu vitni af ráðahagnum og kossi brúðhjónanna þegar búið var að gefa þau saman.
Samfélagið í kringum þau skilur ekkert í því hvers vegna fjölskylda drengsins leyfði þessu að gerast en fjölskyldan segir að þetta sé hvorki fest á blað eða löglegt heldur þetta bara siður sem þau hafi viljað viðhalda. Mamma Sanele litla segir að þetta sé í fyrsta skipti sem svona gerist í fjölskyldu þeirra, hún segir að með því að hafa framkvæmt brúðkaupið þá haldi þau forfeðrunum ánægðum OG ef þau hefðu ekki látið þau “giftast” og orðið að óskum sonarins þá hefði eitthvað slæmt hent fjölskylduna – þannig að konan sá hreinlega ekkert athugavert við þetta.
Mamma hans segir einnig að sá litli hafi verið afar spenntur og glaður þegar hann var á leiðnni í brúðkaupið. “Hjónin” fengu þó ekki pappíra upp á að þau væru gift og halda áfram að lifa sínu lífi í sitthvoru lagi. Mamma hans vonar að hann gifti sig þegar hann verður eldri og þá konu sem er á svipuðum aldri og hann sjálfur.
Sanela segir að hann sé mjög ánægður með brúðkaupið en núna muni hann halda áfram í skóla. Svo ætlar hann að standa sig vel í náminu og giftast jafnöldru sinni sem hann elskar þegar hann verður eldri.
Helen segist vera mjög ánægð með það að hafa gifst Sanela og að hún sé einnig glöð að hafa getað glatt forfeðurna. Þetta brúðkaup þýði jafnframt að Sanela muni gifta sig þegar hann verður stór. Eiginmaður Helenar og öll hennar fjölskylda eru líka mjög sátt við uppátækið þó hann átti sig á að margir séu gríðarlega hneyskslaðir.
Hvað finnst þér svo lesandi góður? Er þetta réttlætanlegt vegna trúarinnar og til þess að gleðja forfeðurnar? Væri þetta meira stuðandi ef lítil stelpa hefði “gifst” karli? Taktu þátt í samræðum á Facebook síðu Pjattrófanna.
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
