FRÉTT: 5 ára amerísk stelpa send heim - Kjólinn þótti of dónalegur

Fimm ára stelpa sem býr í Houston borg í Texas var skikkuð til að fara í stuttermabol yfir kjólinn sinn og gallabuxur undir af því kjólinn þótti of dónalegur.

Þegar pabbi hennar kom að ná í hana varð hann eðlilega alveg brjálaður og skrifaði bloggfærslu á vef Houston Press sem síðan fór á flug um alnetið.

Þar skrifar hann meðal annars að alveg frá því sónarmyndin sýndi að hann ætti von á stúlkubarni hafi hann beðið eftir að skömmin í formi “dress code shaming” bankaði upp á. Hann sagðist þó ekki hafa átt von á því svona snemma. Hún er jú bara fimm ára.

Það sem truflar pabbann mest er þó að siðareglur tegndar klæðnaði í skólanum eiga aðeins við um stelpur. Þar stendur ekkert um hvernig strákar eiga að klæða sig.

Hann segir líka að litla daman hafi verið mjög spennt að fara í nýja kjólnum í skólann.

„Það er ekki eins og ég hafi keypt kjólinn í búð sem heitir Fyrstu stripparafötin mín,” Skrifar hann reiður. „Ég keypti hann heldur ekki í fetish búð fyrir mjög lágvaxið fólk. Þetta er kjóll úr stórmarkaði, hannaður fyrir fimm ára stelpur. Hún hefur meðal annars mætt í kirkju í kjólnum og þar sem það er mikill hiti úti finnst henni þægilegt að vera í honum. Hann er léttur og góður. Fínn í hitanum.”

Hann furðar sig enn fremur á því að nú, árið 2015, skuli virkilega vera til siðareglur um hvernig stelpur eigi að klæða sig og ekki síst að þær skuli líka eiga við um svona ungar stelpur.

„Við búum í landi þar sem einhver ákveður að axlirnar og hnén á fimm ára stúlku séu svo truflandi að hún verði hreinlega að hylja þær til að vera sómasamleg til fara,” skrifar hann.

„Þessi litla stelpa þráttar við mig um allt á milli himins og jarðar, meðal annars hversu hratt spendýr afríku geta hlaupið og vísindalegar skilgreiningar á flokkun plánetanna en þegjandi og hljóðalaust er henni kennt að hlýrakjólinn hennar úr Walmart sé á einhvern hátt slæmur. Ósiðlegur. Það sé eitthvað rangt við hann. Dónalegt. Og það sem verst er… að henni beri að hylja sig.”

Hvað finnst þér um þetta? Er eðlilegt að setja dresscode á litlar stelpur? Eða stelpur yfir höfuð? Eru reglurnar um klæðnað á Samfés ballinu réttlætanlegar eða flokkast það undir slutshaming (druslustimplun)? Hvar og hvernig drögum við línuna? Og á yfirleitt að draga línu? Ræðið á Facebook síðu Pjattrófanna HÉR.

Margrét Hugrún

Ég er af X-kynslóð, elska 70’s tónlist, finnst gott að fara í sund á kvöldin og á erfitt með arfa i görðum. Kýs fjölbreyti í lífið. Kann eina Eminem plötu utanað. Hef thing fyrir Marilyn Monroe, áhuga á feminisma og svona sitthvað fleira.

pjatt.is/author/margret/