Á haustin luma margir á bláberjum í frystinum enda bláberjatíðin nýafstaðin.
Föstudagskokteillinn að þessu sinni er frábær vodkakokteill með bláberja- og basilíku sírópi.
INNIHALD
2 dl. bláberja-basilíku síróp*
1,5 dl. Smirnoff Red vodka
1,5 dl. nýkreistur sítrónusafi
Sódavatn
Handfylli af klaka
Hrærið saman öllu í kokteilhristara með klökum og blandið vel saman. Hellið um hálfu glasi af blöndunni í hátt glas og fyllið svo með sódavatni.
Bláberja-basilíku síróp (fyrir 2-3 glös)
INNIHALD
5 dl. vatn
2,5 dl. sykur
Rifinn sítrónubörkur af einni sítrónu
350 gr. bláber
2 pakkar basilíku lauf
AÐFERÐ
Hrærið saman á pönnu undir miðlungshita öllu hráefninu, uns sykurinn hefur bráðnað. Látið blönduna sjóða, lækkið síðan undir og látið léttsjóða svo blandan þykkni, en það tekur um 15 mínútur. Síið blönduna yfir skál og kælið.
Bragðgóður og öðruvísi kokteill sem indælt er að njóta á vindasömu föstudagskvöldi.
Góða helgi!
Fjölbreytileiki, gleði og góður fílíngur. Hér er endalaust af góðu efni, uppskriftir, heilræði, heilsutips og allskonar, allskonar. Þú getur auðveldlega týnt þér á Pjattinu enda gera pjattrófur ekkert nema það sé lekkert! Í loftinu síðan 2009.
