Datt hún í sólarpúðurdós? Týndi hún snyrtitöskunni og speglinum? Gleymdi hún að setja andlitsmaska til að næra húðina og á hún ekki augnblýant?
Og fussumsvei…hvað er þetta með úfnar augabrúnirnar? Og hvar er varasalvinn?
Kannski var eiginmaðurinn Michael fúll út í hana þegar þau voru að gera sig klára til að fara á UN Galakvöld, (já Hemmi minn, Galakvöld í New York!) og sagði bara: „Ástin mín -þú lítur æðislega út!“ ? Í þetta skiptið lítur karlinn allavega mun betur út en Catherina Zeta Jones -og ég hélt það myndi aldrei gerast.
Catherine klárlega ekki að ná tökum á snyrtibuddunni þennann daginn! Obbosí.
Díana Bjarnadóttir útlitsráðgjafi og stílisti hefur margra ára reynslu við að aðstoða fólk með fataval. Hún starfaði meðal annars á Ítalíu og í London þar sem hún var stílisti stjarnanna hjá Giorgio Armani og Gucci.
Hefur einnig verið búsett í svíþjóð, Hollandi og á Selfossi en býr nú í Reykjavik. Díana er einnig með menntun í förðunarfræði. Greinar og ljósmyndir Díönu hafa m.a. verið birtar í tímaritunum Veggfóður, Ský og Smáralindarblaðinu. Díana er fædd 1. maí og er því naut.
