Fiskamerkið spannar tímabilið frá 19. febrúar til 20. mars og er síðasta stjörnumerkið í dýrahringnum. Það er táknað með tveimur fiskum sem synda í gagnstæðar áttir en eru bundnir saman með bandi. Sú táknmynd fangar bæði fjölbreytileika og togstreituna sem einkennnir persónuleika þeirra sem fæðast í þessu merki.

Saga og táknmynd Fiskanna

Í grískri goðafræði er Fiskamerkið tengt goðsögninni um Afródítu og son hennar Eros, sem breyttu sér í fiska til að flýja skrímslið Týfón, en það mun vera skelfilegasta skrímsli sem til hefur verið á jörðinni. Fiskarnir bundu sig við hvorn annann með bandi til að týnast ekki í hafinu, en það endurspeglar bæði samstöðu fiskanna og togstreituna sem þeir upplifa sterkar en flest önnur merki milli ólíkra þátta lífsins og tilverunnar.

Stjörnufræðilega séð liggur stjörnumerkið á sólbaugnum, og sólin er innan marka þess frá 11. mars til 18. apríl. Fiskarnir sjást vel frá Íslandi að kvöldlagi á veturna, sérstaklega frá september fram í febrúar.

Persónugerð fólks í fiskamerkinu

Fiskarnir eru vatnsmerki og þeim er stjórnað af reikistjörnunni Neptúnusi, sem tengist draumum, innsæi og andlegri leit. Þeir eru einnig breytilegt merki, sem þýðir að þeir hafa mikla aðlögunarhæfni og geta auðveldlega skipt um stefnu þegar þörf krefur.

5 atriði sem einkenna persónugerð Fiska ásamt styrkleikum og veikleikum:

1. Tilfinninganæmi og samkennd

Fiskarnir eru þekktir fyrir djúpa tengingu við tilfinningar, bæði sínar eigin og annarra. Þeir hafa einstaka hæfileika til að setja sig í spor annarra og skilja upplifanir þeirra. Þetta gerir þá að frábærum vinum og ráðgjöfum, en næmni þeirra getur einnig gert þá viðkvæma fyrir neikvæðum áhrifum úr umhverfinu.

Styrkur: Hjartahlýir og hjálpsamir.
Áskorun: Geta orðið of háðir viðurkenningu frá öðrum.

2. Skapandi hugsun og listrænir eiginleikar

Fiskarnir búa yfir mikilli sköpunargáfu og tjá sig oft í gegnum listir; tónlist, myndlist eða ritstörf. Þeir hafa líka einstakt innsæi sem gerir þeim gjarna kleift að sjá fegurð þar sem aðrir sjá hana ekki.

Dæmi: Margir Fiskar leggja stund á ljóðlist eða tónlist, þar sem þeir geta tjáð dýpstu tilfinningar sínar.

3. Draumlyndi og andleg leit

Neptúnus veitir Fiskunum sterka tengingu við draumaheima og andlega heima. Þeir eru oft dularfullir einstaklingar sem laðast að yfirnáttúrulegum hugmyndum eða trúarbrögðum og geta því oft verið miðlar, stjörnuspekingar eða heilarar.

Styrkur: Geta séð möguleika þar sem aðrir sjá hindranir.
Áskorun: Geta átt erfitt með að greina á milli raunveruleika og fantasíu.

4. Aðlögunarhæfni

Sem breytilegt merki hafa Fiskarnir hæfileikann til að laga sig að ólíkum kringumstæðum. Þeir geta verið fjölhæfir í störfum sínum eða félagslegu lífi en eiga stundum erfitt með að setja sér mörk.

Styrkur: Sveigjanleiki í samskiptum.
Áskorun: Skortur á stöðugleika eða einbeitingu.

5. Rómantík og draumar

Í samböndum eru Fiskar rómantískir draumóramenn sem leggja mikið upp úr djúpum tengslum við maka sinn. Þeir eru gjafmildir í ást sinni en þurfa maka sem skilur næmni þeirra.

Styrkur: Ríkuleg rómantík.
Áskorun: Geta orðið of háðir maka sínum.

Fiskarnir í leik og starfi

Fiskarnir eiga það til að láta sig reka með straumnum frekar en að taka stjórnina sjálfir. Þetta getur verið bæði styrkur þeirra og veikleiki – þeir eru sveigjanlegir en þurfa stundum hvatningu til að ná markmiðum sínum.

Í starfi

Fiskarnir dafna í störfum þar sem þeir fá að nýta sköpunarkraft sinn eða hjálpa öðrum. Algengar starfsstéttir fyrir þá eru listamenn, tónlistarmenn, sálfræðingar eða ráðgjafar.

Styrkur: Skapandi lausnamiðun.
Áskorun: Skortur á skipulagi eða aga.

Í samskiptum

Fiskarnir eru vingjarnlegir og einlægir en eiga það til að forðast átök vegna þess hve næmir þeir eru fyrir neikvæðum tilfinningum annarra. Sumir segja að fiskar séu líklegri en önnur merki til að ánetjast áfengi eða öðrum vímuefnum sökum þess hversu tilfinninganæmir þeir eru.

Styrkur: Einlægni.
Áskorun: Að setja skýr mörk.

Sem foreldrar

Sem foreldrar eru Fiskar hlýir, hugulsamir og skapandi. Þeir leggja áherslu á samkennd í uppeldi barna sinna en geta átt erfitt með aga vegna þess hvað þeir eru mjúkir og góðhjartaðir.

Að endingu…

Fiskamerkið táknar dýpt, næmni og sköpunarkraft. Þau sem fæðast undir þessu merki búa yfir einstökum hæfileikum til að tengjast öðrum á djúpstæðan hátt en þurfa einnig að gæta þess að vernda eigin mörk gegn neikvæðum áhrifum frá bæði fólki og aðstæðum.

Þrátt fyrir áskoranir sínar blómstra Fiskar þegar þeir fá tækifæri til að tjá sig listrænt eða vinna með fólk á persónulegum nótum. Ef þú ert fiskur þá skaltu prófa að finna þér eitthvað skapandi til að fá útrás við. Það getur verið hvað sem er, prófaðu þig bara áfram. Mundu svo að leyfa þér að vera bara eins og þú ert.